News Portal

  • बीभत्स हत्या, ९ दिनसम्म कुटेर लिइयो युवकको ज्यान

    विराटनगर, १५ चैत
    १५०९ पटक
    विराटनगर, १५ चैत

    विराटनगर । कोरोनाले विश्वलाइ त्राही त्राही बनाइरहँदा माेरङमा एक बिभत्स हत्या भएकाे छ । आर्थिक अवस्था निकै कमजाेर भएका र घरपरिवारमा पनि राम्राे सम्बन्ध नभएका एक युवककाे सँगै काम गर्ने छिमेकीले ९ दिनसम्म कुटीकुटी हत्या गरेकाे खुलेकाे छ । ९ दिनसम्म छिमेकीले कुटिकुटी आँखासमेत फुटाल्दा पनि ती युवक कतै भाग्न पनि नसकेकाे पाइएकाे छ ।

    मोरङको पथरी शनिश्चरे नगरपालिका– १० का दिपक लिम्बुकाे यसरी हत्या भएकाे हाे । उनकाे शव अहिले विराटनगरकाे नर्सिङहाेममा छ । विडम्बना याे छ कि उनकाे शव उठाउन सक्ने अवस्था पनि छैन । अस्पतालले उनकाे शव अस्पतालकाे फाेहाेर फाल्ने ठाउँमा राखेकाे छ । तर, त्यहीबाट पनि शव उठाउन नदिएकाे मृतककी दिदी मनु लिम्बुले बताएकी छन् । एकातिर काेराेनाकाे सन्त्रासका कारण देशभर लकडाउन घाेषणा गरी कसैलाइ पनि घरबाट बाहिर निस्कन दिइएकाे छैन, अर्काेतिर मनुलाइ आफ्नाे दाजुकाे शव अस्पतालबाट कसरी निकाल्ने भन्ने पिर परेकाे छ ।

    अस्पतालले दिपककाे शव निकाल्नुअघि उनकाे उपचारमा लागेकाे तीन लाख ६० हजार रुपैयाँ तिर्न दवाव दिएकाे छ । तर, त्यत्राे रकम मनुसँग छैन । नत उनलाइ सहयाेग गर्ने नै काेही छन । मनु भन्छिन ‘मेरो दाजुको मृत्यु त कुकुरकोभन्दा पनि नराम्रो भयो । अस्पतालले फोहोर हाल्ने ठाउँमा शव राखेको छ, निकाल्ने क्षमता छैन ।’ नर्सिङ होमका प्रशासन प्रमुख पदम विनाडीले बिल नतिरेसम्म शव लैजान नदिने भनेकाे मनुले बताइन ।

    यसरी भएकाे थियाे दिपककाे मृत्यु

    फागुन २७ गते गाउँमा होलीको चहलपहल थियो । २७ वर्षीय दीपक लिम्बु सधैंझै छिमेकी लंक तामाङको घरमा सुत्न गए । बाबुले कान्छी बिहे गरेका कारण उनकाे घरमा त्यति राम्राे सम्बन्ध पनि थिएन । बुबा र कान्छी आमासँग उनकाे सम्बन्ध राम्रो नभएका कारण उनी प्राय लंक तामाङकै घरमा रात बिताउँथे । लंकसहित उनका भाइ दाेर्जे तामाङ उनीसँगै मजदुरी गर्थे । त्यही भएकाेले उनी उनीहरुकै घरमा सुत्ने गर्दथे । तर, उनलाइ त्यहाँ पनि राम्राे गरिदैनथ्याे ।

    २७ गते हाेलीकाे दिन उनी लंककाे घरमा गएका दिन पनि उनीमाथि दुर्व्यवहार गरियाे । अन्तत: उनीमाथि २७ गते राति सुतिरहेकै स्थानमा नराम्ररी कुटपिट भयो । आफ्नो घरमा बसेको भन्दै लंकका भाइ दोर्जे तामाङ, मुस्कान राई र सञ्जय लिम्बुले निर्घात कुटपिट गरेकाे दिपककी बहिनी मनु बताउँछिन । कुटपिटबाट त्यसदिन दिपक नराम्ररी घाइते भए । गाउँभन्दा अलि टाढा एकान्तमा घर भएका कारण दीपकमाथि भएकाे कुटपिटबारे छिमेकीले केही पनि सुइँको पाएनन् ।

    भाेलिपल्ट दिपकले आफूमाथि भएकाे कुटपिटबारे कसैलाइ भनेनन् पनि । त्यही कारण उनीमाथि कुटपिट झन झन दोहोरिँदै गयो । फागुन २७ गतेदेखि सुरु भएकाे कुटपिटकाे श्रृङ्खला चैत ६ गतेसम्म चल्याे । करिब नौ दिन बन्धक बनाएर कुटपिट गर्दा दीपकको दाहिने आँखा फुटेको थियो । टाउकोमा पानी जमेको थियो । ९ दिनपछि दिपककाे अवस्था गम्भीर भएपछि उनलाई लंकको घरबाट छिमेकी ललितजंग कुरुङ्वाङको घरमा लगेर छाडियो ।

    अन्तिम अवस्थामा ललितजंगको घरमा पर्याइएपछि उनै ललितजंगले धरान बस्ने बहिनी मनु लिम्बुलाई जानकारी गराए । मनु त्यसपछि दाजुकाे अवस्था बुझ्न गाउँमा पुगिन । दाजुकाे त्यस्ताे अवस्था देखेर भावविह्वल भएकी मनुले उनलाई विपी कोइराला स्वास्थ्य विज्ञान प्रतिष्ठान धरान लगिन् । उनीसँग एम्बुलेन्स रिजर्भ गर्ने पैसा थिएन, त्यसैले अटो रिक्सामा हालेर दाजुलाइ धरान पुर्याइन ।

    धरान अस्पतालले आईसीयु नभएकाे भन्दै उनलाइ राख्न मानेन । उनलाइ विराटनगरमा लग्न भन्याे । त्यसपछि मनुले दाइलाइ धरानबाट फर्काएर विराटनगरमै लगिन । विराटनगर पुर्याएर विराट नर्सिङ होममा पुर्याइन । साेही अस्पतालमा उपचार गर्दै गर्दा बिहीबार बिहान दीपकको निधन भयाे । तर, खर्च अभावका कारण मनुले दाजुको अन्तिम संस्कार गर्न पाएकी छैनन् ।

    दिपककाे मृत्यु भएकाे थाहा पाएपछि उनीमाथि कुटपिट गर्नेहरुले मनुलाइ अनेक प्रलाेभन देखाइरहेका छन । मनुकाअनुसार दाजुको मृत्युपछि घटनामा संलग्नका आफन्तहरुले शव निकाल्न पैसा दिने तर प्रहरीमा जाहेरी नदिन दबाब दिइरहेका छन् । तर मनु भने दिपकमाथि कुटपिट गर्नेहरुमाथि कारवाहि हुनुपर्ने बताउँछिन ।

    घटनाबारे सूचना बाहिर आएपछि इलाका प्रहरी कार्यालय पथरीले एक आरोपी मुस्कान राईलाइ पक्राउ गरेकाे जनाएकाे छ । इप्रका पथरीका डिएसपी दिलिप गिरी आराेपी सञ्जय लिम्बु र दोर्जे तामाङ फरार रहेकाे बताउँछन् । मृतक र आरोपी तीनजना सँगै ज्याला मजदुरी गर्ने गरेको पाइएको र अहिले कर्तव्य ज्यान मुद्दामा यस घटनाको अनुसन्धान गरिरहेको डिएसपी गिरी बताउँछन ।

    २७ वर्षका दीपक विवाहित हुन् । उनकी एक छाेरी पनि छन । उनकी श्रीमती बबिता राई अहिले वैदेशिक रोजगारीमा छन् । विदेश गएपछि श्रीमतीले छोरीलाई माइतीमा लगेर राखेकी छन् । मनुका अनुसार उनी अहिले श्रीमानलाई वास्तै गर्दिनन् । दीपकलाई परिवारभित्र पनि राम्रो व्यवहार थिएन ।

    आमाले छाडेपछि बुबाले दोस्रो बिहे गरे । कान्छी आमाले नराम्रो व्यवहार गरेपछि उनी लंकको घरमा बस्दै आएका थिए । ‘भाउजुले पनि वास्ता नगरेका कारण दाजु तनावमा हुनुहुन्थ्यो’ मनुले भन्छिन्, ‘एक्लै परेका दाजुलाई तड्पाई तड्पाई मारे ।’

    करिब नौ दिन बन्धक बनाएर कुटपिट गर्दा दीपकको दाहिने आँखा फुटेको थियो । टाउकोमा पानी जमेको थियो । समयमा नै उपचार नपाएका कारण उनको ज्यान गएको हो । दीपक मोरङ क्षेत्र नम्बर ३ का स्थायी बासिन्दा हुन् ।

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...