News Portal

  • कपिलवस्तुमा ८५ जना क्वारेन्टाइनमा

    सीताराम चौधरी/कपिलवस्तु१६ चैत २०७६
    ११३५ पटक
    १६ चैत २०७६

     

    कपिलवस्तु । कोभिड–१९ (कोरोना भाइरस)को संक्रमण रोकथामका लागि कपिलवस्तु जिल्लामा ८५ जनालाई क्वारेन्टाइनमा राखिएको छ । रा्ेजगारीका लागि भारत र खाडी लगायत मुलुकबाट फर्केकाहरु क्वारेन्टाइनमा राखी पालिका र प्रहरीको बिशेष निगरानी बढाइएको हो ।

    जिल्लाका १० वटै पालिकामा आइतबारसम्म २सय ४२ क्वारेन्टाइन र ८ वटा आइसोलेशन बेड स्थापना गरिएका छन् । जिल्लाभर स्थापना गरिएका क्वारेनटाइनमा हालसम्म ८५ जनालाई निगरानीमा राखिएको जिल्ला प्रशासन कार्यालय कपिलवस्तुको तथ्यांकमा उल्लेख छ । हालसम्म कृष्णनगर नगरपालिकामा १०१ क्वारेन्टाइन बेड स्थापना गरिएकोमा जिल्लामै सबैभन्दा बढी २३ जनालाई निगरानीमा राखिएको नगरप्रमुख रजत प्रताप शाहले जानकारी दिए । महाराजगञ्ज नगरपालिकामा २३ बेडको क्वारेन्टाइन स्थापना गरिएको छ जसमा आइतबारसम्म ३ जनालाई निगरानीमा राखिएको नगरप्रमुख अब्दुल कलाम खाँले बताएका छन् ।

    यता शिवराज नगरपालिकामा १४ वटा क्वारेन्टाइन बेड स्थापना गरिएकोमा हालसम्म ११ जनालाई क्वारेन्टाइमा राखी निगरानी बढाइएको नगरप्रमुख नेत्रराज अधिकारीले जानकारी दिएका छन् । नगरपालिकाले क्वारेन्टाइनमा बस्नेलाई खाना तथा वाईफाईको समेत व्यवस्था मिलाइदिएको नगरप्रमुख अधिकारीले बताए । यस्तै विजयनगर गाउँपालिकामा १६ क्वारेन्टाइन बेड निर्माण गरिएकोमा ६ जनालाई निगरानीमा राखिएको गाउँपालिका अध्यक्ष गोपाल थापाले जनाए ।

    यसैगरी कपिलवस्तु नगरपालिकामा ११ क्वारेन्टाइन बेडमध्ये ११ जना निगरानीमा छन् । बाणगंगा नगरपालिकामा स्थापना गरिएको २२ क्वारेन्टाइन बेड स्थापना गरिएकोमा १ जना मात्र निगरानीमा छन् । बुद्धभूमि नगरपालिकामा ५ क्वारेन्टाइन बेड निर्माण गरिएको छ । जसमा ३ जना निगरानीमा छन् । जिल्लाका यशोधरा, मायादेवी र सुद्धोदन गाँउपालिकामा निगरानीका लागि ६, २० र १२ क्वारेन्टाइन बेड निर्माण गरिएकोमा हालसम्म निगरानीमा ६, १३ र ८ जना रहेको जिल्ला प्रशासन कार्यालय कपिलवस्तुले जनाएको छ ।

    जिल्लाको कपिलवस्तु अस्पताल तौलिहवामा ४, बाणगंगाको पिपरा अस्पताल र शिवराज अस्पतालमा २÷२ बेडको आइसोलेसन वार्ड तयारी अवस्थामा रहेको जनाइएको छ । जिल्ला प्रशासन कार्यालयका अनुसार कपिलवस्तुमा आइतबार साँझसम्म कोही पनि कोराना संक्रमित भेटिएका छैनन् ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...