वीर अस्पतालमा काेभिड १९ काे आशंकामा भर्ना गरिएका दुई बिरामीको मृत्यु भएको छ ।

वीरमा मृत्यु भएका २ जनामा एक ३४ वर्षकी महिला र अर्का ५० वर्षीय पुरुष भएकाे बताइएकाे छ । उनीहरु दुवैलाई कोरोना भाइरस आशंकामा आइतबार साँझ र साेमबार बिहान अस्पताल भर्ना गरिएको थियो।

श्रोतका अनुसार उच्च ज्वरो आएपछि बेहोस भएकाे अवस्थामा अस्पतालले उनीहरुलाइ भर्ना गरेकाे थियाे । उनीहरु दुबै लकडानअघि भारतबाट आएका बताइएकाे छ।

रिपोर्ट नआइकन काेराेनाकाे कारण ज्यान गएकाे भन्न नसकिने वीरका निर्देशक केदार सेञ्चुरीले बताए । ‘स्वाब संकलन गरी टेकुस्थित जनस्वास्थ्य प्रयोगशाला लगिएकाे छ । परीक्षण पछि मात्र काेराेना हाे वा हाेइन, यकिन हुन्छ ।’ उनले भने । रिपोर्ट आउन कम्तीमा ४८ घण्टा लाग्छ ।