कोरोना भाइरस (कोभिड १९) को संक्रमण आशंकामा क्वारेन्टाइनमा मृत्यु भएका युवकमा कोरोना पुष्टि भएन । सैनामैना नगरपालिकाका ३७ वर्षीय ती युवकको बुटबलस्थित कोरोना विशेष अस्पतालमा आइतवार ज्यान गएको थियो ।

लुम्बिनी प्रादेशिक अस्पताल र बुटबल उपमहानगरले संचालन गरेको कोरोना विशेष अस्पतालमा उपचाररत उनको मृत्यु भएपछि कोरोनाको कारण मृत्यु भएको अनुमान गरिएको थियो । अस्पतालका मेडिकल सुपरिटेन्डेन्ट डा राजेन्द्र खनालका अनुसार उनको कोरोना पुष्टि भएन । उनको स्वाव काठमाडौ ल्याइएको थियो । रिपोर्टमा कोरोना नेगेटिभ देखिएको हो ।

३७ वर्षीय मृतक युवक दुवईबाट ६ गते नेपाल आएका थिए । उतैबाट ज्वरो आएको अवस्थामा घर आएका उनी १३ गते प्रादेशिक अस्पतालमा आएका थिए । ज्वरो देखिएपछि उनलाई बुटवल धागो कारखानामा रहेको कोरोना (बिशेष) अस्थायी अस्पतालमा भर्ना गरिएको थियो ।

टेकुमा उनको दुई पटक नमूना परीक्षण गर्दा पनि रिपोर्टमा काेराेना नेगेटिभ आएको अस्पतालले जनाएको हो ।