News Portal

  • राधेराधेस्थित १७ तले भवनमा आपतकालिन खाद्यान्न स्टोर्स राख्न मन्त्रालयमा प्रस्ताव

    भक्तपुरपोष्ट संवाददाता१७ चैत २०७६
    १३२८ पटक
    १७ चैत २०७६

    भक्तपुर । बन्दाबन्दी (लकडाउन)को कारण खाद्यान्न अभाव हुन नदिन मध्यपुरथिमि नगरपालिकाकाे राधेराधेस्थित १७ तले खाली भवनलाइ खाद्यान्न भण्डारण स्थलकाे रुपमा प्रस्ताव गरिएको छ ।भक्तपुरमा खाद्यान्न अभाव भएमा जिल्लाका चारैवटा नगरपालिकालाइ वितरण गर्ने गरी खाद्य भण्डारण गर्न प्रस्ताव गरिएको हो ।

    उक्त भवनमा अत्यावश्यक खाद्यान्नहरु भण्डारण गर्ने र अभाव भएमा जिल्लाका चारैवटै नगरपालिकामा वितरण गर्नेगरी उदेश्य राखिएकाे प्रमुख जिल्ला अधिकारी हुमकला पाण्डेले बताइन् । गृह मन्त्रालयमा सोको स्वीकृतिको लागि लेखि पठाइएको समेत उनको भनाइ छ ।

    भक्तपुरका प्रमुख जिल्ला अधिकारी हुमकला पाण्डेकाे नेतृत्वमा सबै सुरक्षा निकायका जिल्ला प्रमुखहरुले अनुगमन गरी खाद्यान्न भण्डारका लागि उक्त भवन उपयुक्त रहेको ठहर गरेको नेपाल प्रहरीका भक्तपुर जिल्ला प्रमुख रहेका एसपी सविन प्रधानले जानकारी गराए ।

    जिल्ला सुरक्षा समितिले भवन छनोट गरेपछि घरधनी विष्णुप्रसाद न्यौपानेले  स्वीकृति दिएका छन् । राधेराधेमा रहेको प्रयोगविहीन १७ तले भवन हालको सङ्कटको समयमा प्रयोग गर्न माग गर्दा न्यौपानेले विपदमा निःशुल्क प्रयोग गर्नेगरी उपलब्ध गराएका एसपी प्रधानले बताए । साे प्रस्तावित स्टोर्सको सांसद महेश बस्नेत लगायत जनप्रतिनिधिले समेत अवलोकन गरेका छन्  ।

    ”मानिसहरुमा सस्तो मूल्य पसल खुल्न लागेको हो कि भन्ने पनि छ । त्यस्तो होइन, हामीले भक्तपुरमा अभावको स्थिति नहोस् भनेर भण्डारण स्थल राख्न प्रस्ताव गरेका हौँ ।” एसपी सविन प्रधानले भक्तपुर पोस्टसंग भने । यो शुरुवाती प्रक्रिया मात्र भएको र गृहबाट स्वीकृती पाएपछि कामले गति लिने उनले जानकारी गराए ।

     

    प्रतिकृया दिनुहोस्

    आदर्शस्थित औषधी पसलमा आगलागी, लाखौंको क्षती

    भक्तपुरको सूर्यविनायक नगरपालिका आदर्श चोक स्थित एक औषधी पसलमा एकाबिहानै आगलागी भएको छ । इन्द्र...

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    मध्यपुर थिमि नगरपालिकाले संचालन गरेको नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...