News Portal

  • खाद्यान्नका पसलहरु जुनै समयमा खोल्दा हुन्छ, बन्द गराउनु भनेका छैनौँ : एसपी प्रधान

    भक्तपुरपोस्ट संवाददाता भक्तपुर, १८ चैत
    ९७११ पटक
    भक्तपुर, १८ चैत

    फाइल फोटो

    कोभिड १९ को संक्रमण रोकथाम र नियन्त्रणका लागि गरिएकाे बन्दाबन्दीको १ हप्ता भैसक्दा समेत भक्तपुरमा खाद्यान्न पसलका संचालकहरु पसल खोल्ने समयको विषयलाई लिएर अलमलमा परेका छन् । केहि स्थानका प्रहरीले समय तोकिदिएपछि उनीहरु अलमलमा परेका हुन् ।

    मंगलवार सूर्यविनायक नगरपालिकाको सिर्जनानगरमा यस्तै दृश्य देखियो । साँझ ७ बजेपछि पसल बन्द गराउदै हिंडेका प्रहरीका कारण पसलका संचालकहरु हैरान देखिए । ” सधै पसल बन्द गर्न प्रहरी नै आउनुपर्ने ? आफै बन्द गर्ने बुद्धि छैन ? भन्दै ड्युटीमा रहेका प्रहरीहरु पसलका संचालकहरुलाई चेतावनी दिंदै थिए ।

    प्रहरीलाई देखेपछि पसलेहरु सटर तान्न व्यस्त बनेका देखिन्थे । ”खै सरकार खाद्यान्न पसल खोलिराख्नु भन्छ, फेरि प्रहरी आफै बन्द गराउदै हिड्छ ।” एक संचालकले भक्तपुर पोस्टसंग गुनासो गरे ।

    खाद्यान्न पसललाई त समय तोकिएको छैन नि ? भन्ने भक्तपुर पोस्टको भनाइप्रति ड्युटीमा रहेका प्रहरी सहमत देखिएनन् । उल्टै उनले प्रतिप्रश्न गरे ”के हामी रहरले बन्द गराउदै हिडेंको हो त ?’

    महानगरीय प्रहरी प्रभाग कटुन्जेका प्रमुख रहेका प्रहरी नायब निरीक्षक ज्योति कार्कीसंग यस विषयमा जानकारी माग्दा उनले पनि खाद्यान्न पसललाई विहान र बेलुका दुई दुई घन्टाको समय तोकिएको जानकारी गराए । जुनसूकै बेला पसल खोल्ने भए लक डाउनको अर्थ नभएको उनको भनाइ छ ।

    जोखिम मोलेर अत्यावस्यक खाद्यान्नको पसल खोल्नेलाई प्रोत्साहित गर्नुपर्नेमा पसल बन्द गराउदै हिड्नु नहुने स्थानीय कपिल कस्पाल बताउँछन् । २ घन्टाको समय दिंदा झन् मानिसको भीडभाड हुने र क्रेताबिक्रेता दुवैलाई जोखिम हुने उनको भनाइ छ ।

    यता, महानगरीय प्रहरी परिसर भक्तपुरका प्रमुख रहेका एसपी सविन प्रधान भने आफूहरुले खाद्यान्न पसल बन्द गराउन निर्देशन नदिएको बताउँछन् । ” खाद्यान्न पसलका संचालकहरुले बिहान देखि बेलुकीसम्म जुनसुकै समयसम्म पसल खोल्न सक्नुहुन्छ ।” भक्तपुर पोस्टसंग उनले भने । उनले अत्यावस्यक कामबाहेक घर बाहिर ननिस्कन अनुरोध गरे । ”आवस्यक काममा घरको एकजना मात्र सुरक्षित किसिमले निस्कन सकिन्छ तर बिना काम निस्कनु आफू,परिवार र देशकै लागि खतरापूर्ण हुनसक्छ ।” उनले भने

    एसपी प्रधानले खाद्यान्न पसल बन्द गराउन निर्देशन नदिइएको दावी गर्दै यस विषयमा मातहतमा आवस्यक निर्देशन दिइने समेत जानकारी गराए ।तर,खाद्यान्न पसल खाेलेको बहानामा अनावस्यक मानिस बटुलेर गफ गर्ने अड्डा जस्तो बनाउन नहुने उनको सुझाव छ ।

    यस अघि आइतवार भक्तपुरको प्रमुख जिल्ला अधिकारी हुमकला पाण्डेले पनि भक्तपुर पोस्ट संगको एक अन्तर्वार्तामा खाद्यान्नका पसलहरु बन्द गर्ने होइन भनेकी थिइन् । प्रजिअ पाण्डेले चैत ११ मा गरेको आदेश अनुसार नै भक्तपुरमा लकडाउन लागू भएको हो ।

    हेेर्नुस् अन्तर्वार्ता

    जथाभावी हिड्नेलाई समाजले नै कारवाही गर्ने स्थिति बन्दैछ : प्रजिअ हुमकला पाण्डे (अन्तरवार्ता)

    हेर्नुस् भक्तपुर सिडिओद्वारा जारी गरिएको आदेश

     

     

     

    प्रतिकृया दिनुहोस्

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...

    शिशु निकेतन स्कूलकी छात्रा होस्टेलमै मृत फेला

    चितवनको रत्ननगर नगरपालिका–१० स्थित एकता शिशु निकेतन बोर्डिङ स्कुलको होस्टलमा एक छात्रा मृत फेला परेकी...

    चाँगुनारायणमा घरफोडी दिनदहाडै चोरी, २ युवक पक्राउ

    भक्तपुरको चाँगुनारायण नगरपालिका वडा नं. ३ मा कोही नभएको मौका पारी दिनदहाडै चोरी गर्ने २...