भक्तपुर, २४ चैतसरकारले ‘लकडाउन’को समय बढाउने भएको छ । लक डाउनको समय कम्तिमा एक हप्ता बढ्ने भएको हो ।
समय थप गर्ने सम्बन्धमा अहिले बसिरहेको मन्त्रीपरिषद बैठकले टुंगो लगाउने बताइएको छ ।प्रधानमन्त्री कार्यालय श्रोतले भक्तपुर पोस्टलाई दिएको जानकारी अनुसार यतिबेला प्रधानमन्त्री निवास बालुवाटारमा मन्त्रीपरिषदको बैठक बसिरहेको छ । बैठकमा लकडाउनको समय कम्तिमा १ हप्ता थप्न प्रस्ताव गरिएको छ । छिमेकी देश भारतमा पनि २१ दिन लकडाउन गरिएको छ । ”सोही अनुरुप नेपालमा पनि २१ दिन पुग्ने निश्चित जस्तै भएको छ ।” श्रोतले भन्यो ।
सरकारले यही चैत ११ गतेदेखि कोरोनाको सङ्क्रमण रोकथाम तथा नियन्त्रण गर्ने उद्देश्यले एक साताको लकडाउन आदेश गरेको थियो भने १८ गते पुनः समय थप गरिएको लकडाउन भोलि मंगलवार राती सकिंदैछ ।
नेपालमा कोरोनाको ९ संक्रमित पुष्टि भएका छन् । जसमा, एकजना निको भैसकेका छन् भने अन्य आइसोलेसनमा रहेका छन् ।