News Portal

  • खरीपाटी क्वारेन्टाइनले ‘ढुक्क भइयो’ भन्दै घर गए ७३ नेपाली

    भक्तपुरपोस्ट संवाददाता चागुँनारायण, २४ चैत
    १२५४ पटक
    चागुँनारायण, २४ चैत

    खरीपाटी क्वारेन्टाइनमा रहेका ९६ जना मध्ये ७३ जनालाई घर पठाइएको छ । १४ दिनको क्वारेन्टाइन बसाईपछिको स्वास्थ्य रिपोर्टमा कोरोना नेगेटिभ देखिएपछि उनीहरुलाई घर पठाइएको हो । आइतवार उनीहरुको कोरोना नेगेटिभ रिपोर्ट आएको थियो ।

    सोमबार ७३ जनालाई सरकारले गाडीको व्यवस्था गरी घर पठाएको हो । घर फर्कन पाउँदा उनीहरु जत्ति खुशी थिए, त्यतिनै खुशी कोरोना नभएको पुष्टि भएपछि थपिएको बताए । अब आफूहरु निर्धक्क भएकाे भन्दै उनीहरुले खुशी व्यक्त गरेका प्रमुख जिल्ला अधिकारी हुमकला पाण्डेले बताइन् । ”क्वारेन्टाइन बसाइ आफ्नै लागि रहेछ भन्ने महसुस गरी उहाँहरु घर जानुभएको छ । मनमा शंका लिएर बस्नुभन्दा क्वारेन्टाइन बस्नु राम्रो भएको भन्दै सन्तुष्टि व्यक्त गर्नु भएको छ ।” प्रजिअ पाण्डेले भनिन् । प्रजिअ पाण्डेका अनुसार उनीहरुलाइ घरमा थप ७ दिन क्वारेन्टाइनमा बस्ने सर्तमा बिदाइ गरिएकाे हाे । बिदाइ कार्यक्रममा क्वारेन्टाइनका स्वास्थ्यकर्मी तथा जिल्लास्थित सुरक्षा निकायका प्रमुखहरुको समेत उपस्थिति रहेको थियो ।

    बिदाइ हुनेहरु नेपाल सरकारले अन्तराष्ट्रिय उडानमा प्रतिबन्ध लगाएपनि जवर्जस्ती त्रिभुवन विमानस्थलमा आएका थिए । थाई,सिल्क लगायत बिमानबाट आएका उनीहरुलाई सरकारले सिधै खरिपाटीस्थित क्वारेन्टाइन ल्याएको थियो । शुरुमा उनीहरु क्वारेन्टाइनमा बस्न तयार थिएनन् । तर पछि यहाँको व्यवस्थापन देखेर खुशी भएका थिए । खरीपाटी क्वारेन्टाइन डब्लुएचओको मापदण्ड अनुरुप तयार गरिएको सुविधा सम्पन्न क्वारेन्टाइन हो । यहाँ नेपाल सरकारले चीनको बुहानबाट उद्धार गरी ल्याइएका १ सय पचहत्तर जना नेपाली विद्यार्थीलाई राखेको थियो ।

    अब खरीपाटी क्वारेन्टाइनमा बाँकी रहेका २३ जनालाई पनि भोली घर पठाइने प्रजिअ पाण्डेले जानकारी गराइन् । खरीपाटीमा शुरुमा ७३ जना थिए, पछि २३ जना थपिएर ९६ जना पुगेका थिए । पछि थपिएका २३ जना मध्ये २ जनाको रिपोर्ट आउँन बाँकी भएकाले उनीहरु मंगलवार मात्र घर जान पाउने भएका हुन् ।

    अपडेट : खरीपाटी क्वारेन्टाइनमा बाँकी रहेका २३ जनालाई पनि घर पठाइएकाे छ । रिपोर्ट आउँन बाँकी भएका २ जनाको रिपोर्ट पनि कोरोना नेगेटिभ आएपछि उनीहरु लाइ मंगलवार घर पठाइएकाे हाे ।

    याे पढ्नु भयाे ?

    रोकियो खरीपाटी क्वारेन्टाइनका २ जनाको रिपोर्ट : कोरोना पोजेटिभ नदेखिएको दावी

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...