भक्तपुर सीडीओ कार्यालयले दिंदै आएको सवारी पास अनुमति पत्र अब नदिने भएको छ । उक्त सेवा सीडीओ कार्यालयले पूर्णरुपमा बन्द गरेको हो ।

आइतवार एक सूचना प्रकाशित गरी सवारी पास अनुमति पत्र दिने कार्य स्थगित गरिएको जिप्रका भक्तपुरले जनाएको छ । यस अघि गत १८ गतेबाट उपत्यका बाहिरको पास रोकेको जिल्ला प्रशासन कार्यालय भक्तपुरले आइतवारबाट उपत्याका भित्र पनि सवारी पास नदिने जनाएको हो ।

भक्तपुर सीडीओ हुमकला पाण्डेका अनुसार कोभिड १९ को संक्रमण रोकथाम र नियन्त्रणका लागि एक जिल्ला देखि अर्को जिल्ला र एक पालिका देखि अर्को पालिकाको आवागमनमा समेत सरकारले कडाइ गरेसंगै उपत्यकाको हकमा पनि सवारी पास रोकिएको हो । ”यस अघि अत्यावस्यक अवस्थामा दिंदै आएको सवारी पास स्थगित भएको छ ।” भक्तपुर पोस्ट संग प्रजिअ पाण्डेले भनिन् ।