News Portal

  • भक्तपुरस्थित २ मस्जिदमा रहेका मुस्लिमहरुमा कोरोना देखिएन

    भक्तपुरपोस्ट संवाददाता भक्तपुर, ६ वैशाख, २०७७
    २५९८ पटक
    भक्तपुर, ६ वैशाख, २०७७

    भक्तपुरस्थित २ मस्जिदमा रहेका मुस्लिमहरुको कोरोना परीक्षण गरिएको छ । पछिल्लो समय बीरगंज र उदयपुर लगायतका जिल्लामा मस्जिदमा रहेका मुस्लिमहरुमा कोरोना देखिएपछि भक्तपुर प्रशासनको पहलमा उनीहरुको कोरोना परीक्षण गरिएको हो ।

    भक्तपुर सिडिओ हुमकला पाण्डेका अनुसार शनिवार भक्तपुरका २ वटा मस्जिद र एक मदरसामा रहेका ८ जनाको कोरोना परीक्षण गर्दा उनीहरुको रिपोर्टमा कोरोना नेगेटिभ देखिएको छ । भक्तपुर प्रहरीको समन्वयमा भक्तपुर अस्पतालको रेस्क्यु टोलीले उनीहरुलाई मस्जिदबाट अस्पताल ल्याएर कोरोना टेस्ट गरेको प्रजिअ पाण्डेले प्रष्ट पारिन् ।

    महानगरीय प्रहरी परिसर भक्तपुरका प्रमुख रहेका प्रहरी उपरीक्षक सविन प्रधानले भक्तपुर नगरपालिकाको हनुमानघाटस्थित जामे मस्जिदमा नै छ जना मुस्लिम जमाती रहेका जानकारी गराए । थप २ लाइ भने बाेडेस्थित जनी उपर मासअल्लाह मस्जिद र जरै अरकम मदरसाबाट ल्याएर कोरोना परीक्षण गरिएकाे उनले बताए ।  ”चिन्ता मान्नु पर्ने अवस्था छैन, उहाँहरु सबैमा कोरोना नेगेटिभ देखिएको छ ।” भक्तपुर पोस्टसंग एसपी प्रधानले भने । दिल्लीमा भएको एक धार्मिक सभामा सहभागी मुस्लिम समुदायमा कोरोना देखिएपछि निश्चिन्त हुन भक्तपुर प्रशासनले भक्तपुर भित्र रहेका मस्जिदमा आश्रय लिएर बसिरहेकाहरुको कोरोना टेस्ट गरेको बताइएको छ ।

    उनीहरु मध्ये २ जना पछिल्लो समय काेराेना पाेजेटिभ देखिएका मुस्लिम तबलिगी जमातिहरुसंगै धार्मिक सभामा सहभागी भइ फर्केकाहरु रहेका पाइएपछि सबैकाे कोरोना परीक्षण गरिएकाे एसपी प्रधानले जानकारी गराए ।

    भक्तपुर अस्पतालको मेडिकल सुपरिटेण्डेण्ट डा सुमित्रा गौतमले मस्जिदबाट ल्याइएकाहरुको कोरोना टेस्ट गर्दा उनीहरुमा कोरोना नदेखिएको पुष्टि गरिन् । उनका अनुसार आरडिटि बाट उनीहरुको कोरोना टेस्ट गरिएको हो । डा गौतमका अनुसार भक्तपुर अस्पतालले आरडिटि र पिसिआर गरी हालसम्म ४ सय टेस्ट गरिसकेको छ ।जसमा, १० वटाको रिपोर्ट आउँन बाँकी छ भने रिपोर्ट आएकाहरु सबै सेफ जोनमा छन् । अर्थात, प्राप्त सबै रिपोर्टमा कोरोना नेगेटिभ देखिएको छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...