News Portal

  • खाद्यान्न अभाव भोगेका थप एकसय विद्यार्थी र अभिभावकलाई शिवपुरी माविको राहत

    भक्तपुरपोष्ट संवाददाता ९ बैशाख २०७७
    १९६७ पटक
    ९ बैशाख २०७७

     

    काठमाडौं । महाराजगञ्जस्थित शिवपुरी माध्यमिक विद्यालयले खाद्यान्न अभाव भोगेका थप एकसय विद्यार्थी एवं अभिभावकहरुलाई राहत वितरण गरेको छ । यसअघि पनि विद्यालयले एकसय जना अध्ययनरत विद्यार्थी तथा अभिभावकलाई खाद्यान्न वितरण गरेको थियो ।

    दोस्रो चरणअन्तर्गत मंगलवार पनि थप एकसय जना विद्यार्थी एवं अभिभावकहरुलाई खाद्यान्न वितरण गरिएको प्रधानाध्यापक दिवाकर दूरदर्शीले जानकारी दिए ।
    विद्यालयले मंगलवार बिहान खाद्यान्न अभाव भोगेका हरेक विद्यार्थी एवं अभिभावकलाई दोस्रो चरण अन्तर्गत १० केजी चामल, २ केजी चिउरा, २ केजी पिठो, १ लिटर तेल र १ केजी नून वितरण गरेको हो ।

    बैशाख ५ गते पहिलो चरण अन्तर्गत विद्यालयले एकसय जनालाई १५ केजी चामल, १ केजी दाल, १ लिटर खानेतल, १ प्याकेट नून सहितको राहत प्याकेज वितरण गरेको थियो ।

    दोस्रो चरणको खाद्यान्न वितरणका लागि विद्यालय व्यवस्थापन समितिका पदाधिकारी, शिक्षक अभिभावक संघका पादाधिकारी, पूर्व प्रअ, पूर्वशिक्षक, पूर्वविद्यार्थी, शिक्षककर्मचारी एवं स्थानीय समाजसेवीहरुले सहयोग गरेका प्रअ दूरदर्शीले जानकारी दिए ।

    मंगलवार काठमाडौं महानगरपालिका वडानम्बर ३ का वडाध्यक्ष दिपक केसी तथा विव्यस पदाधिकारीहरुको उपस्थितीमा एकसय जना विद्यार्थी एवं उनीहरुका अभिभावकहरुलाई खाद्यान्न वितरण गरिएको हो ।

    वडाध्यक्ष केसीले कोरोना भाइरस विश्वव्यापी महामारी बन्दै गएको अवस्थामा मुलुकमा पनि केही असहजताहरु देखिएको भएपनि सबैले सरकारको निर्देशन पालना गर्दै घरमै सुरक्षित बसेर यससँग जुध्नुपर्ने बताए । विद्यालय आफैले असहज अवस्थाका विद्यार्थी र तिनका अभिभावकहरुलाई सहयोग गर्नु राम्रो र अनुकरणीय अभ्यास भएको केसीले बताए ।

    स्थानीय सरकार पनि यसै काममा लागेको भन्दै वडाध्यक्ष केसीले ३ नम्बर वडामा कोहीलाई पनि खाद्यान्न अभाव हुन नदिने स्पष्ट पारे । राहत वितरणमा दोहोरोपन हुन नदिन आफूहरु लागीरहेको भन्दै उनले यस महाविपत्तिसँग सबै मिलेर जुध्नुपर्ने बताए ।

    यस्तै, विद्यालय व्यवस्थापन समितिका अध्यक्ष गिरीधर मिश्रले विद्यालयमा अध्ययनरत विद्यार्थी र अभिभावकहरुले खाद्यान्न अभाव भोग्न नपरोस भनेर विद्यालय नै राहत वितरणमा अग्रसर भएको बताए ।

    विद्यालयले बैशाख ४ गते खाद्यान्न अभाव भोगेका विद्यार्थी र अभिभावकहरुको विवरण संकलन गरेर राहत वितरण गर्न शुरु गरेको थियो । शिक्षक, विद्यार्थी र अभिभावक एकै विद्यालयका परिवार भएकाले परिवारका कोहीपनि यस बन्दाबन्दमिा भोकै बस्न नपरोस भनेर राहत वितरण शुरु गरिएको विद्यालयले जनाएको छ ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...