News Portal

  • भक्तपुरकी कोरोना संक्रमित महिला जनप्रतिनिधि, शनिवार कन्टाक्ट ट्रेसिङको काम हुँदै

    भक्तपुरपोष्ट संवाददाता१० जेष्ठ २०७७
    २२७२ पटक
    १० जेष्ठ २०७७

    भक्तपुर । भक्तपुरकी ४२ वर्षीया कोरोना संक्रमित महिला भक्तपुर नगरपालिका–९ की जननिर्वाचित महिला सदस्य रहेको खुलेको छ । उनी राहत वितरणलगायतका काममा सक्रिय थिइन् । त्यहीक्रममा कोरोना संक्रमण भएको हुन सक्ने अनुमान गरिएको छ ।

    संक्रमणको पृष्टि हुनासाथ भक्तपुर नपा– ९ सूर्यमढी निवासी उनलाई पाटन अस्पताल लगिएको जनाइएको छ । प्रमुख जिल्ला अधिकारी हुमकला पाण्डेका अनुसार संक्रमितको घर समुदायबाट छुट्टिएकोले घरलाई मात्रै सिल गरिएको छ।

    उनको घरमा श्रीमान र छोराछोरी रहेका छन् । उनी मुटुको बिरामी थिइन् । विगतमा उनको ओपन हार्ट सर्जरी गरिएको थियो । त्यसैले उनले घरमै बस्ने र अस्पताल नजाने इच्छा गरेकी भएपनि उनलाई सम्झाइबुझाइ गरेर पाटन अस्पताल लगिएको बताइएको छ ।

    भक्तपुरकी प्रमुख जिल्ला अधिकारी हुमकला पाण्डेले आज बिहानबाट कन्ट्याक्ट ट्रेसिङ गर्ने र उनको सम्पर्कमा आएकाहरुलाई पीसीआर परीक्षण गर्ने लगायतका काम हुने जानकारी दिइन् ।

    संक्रमित जनप्रतिनिधि भएको हुनाले कन्टाक्ट ट्रेसिङ गर्न भने चुनौतीपूर्ण देखिएको छ । किनभने उनीस्वास्थ्य स्वयंसेविका पनि थिइन भने निरन्तर राहत वितरणमा सक्रिय थिइन् ।

    काठमाडौं महानगरपालिकाका सफाइ मजदुरहरुको द्रुत परीक्षण विधि (आरडीटी) कोरोना परीक्षणमा पोजिटिभ आएपछि भक्तपुर नपाले पनि आरडीटी विधिबाट आफ्ना कर्मचारी, सफाइ मजदुर तथा जनप्रतिनिधिहरुको कोरोना भाइरस परीक्षण गरेको थियो । नगरपालिकाले आफ्नै जनस्वास्थ्य केन्द्रमा गरेको उक्त परीक्षणमा एक सचिव र अर्की महिला सफाइ मजदुरको रिपोर्ट पोजिटिभ आएको थियो ।तर, पिसिआर रिपोर्ट पोजेटिभ पुष्टि भएको अवस्था छैन ।

    भक्तपुरमा हालसम्म चार जना कोरोना संक्रमित भेटिएका छन्। जनप्रतिनिधिमा भएको भने यो पहिलो संक्रमण हो। यसअघि भक्तपुर नगरपालिका वडा नं ५ ल्योसिंखेलस्थित काठमाडौ महानगरपालिकाको फोहोर बोक्ने गाडीका चालकमा कोरोना संक्रमण देखिएको थियो। उनी भक्तपुरको तेश्रो संक्रमित तर पहिलो स्थानीय थिए। यसअघि जिल्लामा वस्ने दुई जनामा कोरोना संक्रमण भेटिएको थियो। तर उनीहरु अस्पतालबाट उपचारपछि डिस्चार्ज भैसकेका छन् ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...