११ जेष्ठ २०७७काठमाडौं । आइतबार थप १९ जनामा कोरोना संक्रमण पुष्टी भएको छ । यो संगै नेपालमा कोरोना संक्रमितको संख्या ६०३ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार आइतबार दिउँसो थप १९जनामा कोरोना पुष्टि भएको हो। मन्त्रालयका अनुसार प्रादेशिक जनस्वास्थ्य प्रयोग शाला विराटनगरमा गरिएको परिक्षणमा मोरङ बाह्रदशी ३ का ४५ वर्षीय पुरुष १ जना, राष्ट्रिय जनस्वास्थ्य प्रयोग शालामा गरिएको परिक्षणमा बारा कलैयामा ३२ वर्षिय पुरुष, वीरगञ्ज पर्साका ३२ वर्षीय पुरुष, पर्साघरभइ बारामा कार्यरत ३४ वर्षीय पुरुष, पर्साकै नगावाका ६० वर्षीय पुरुष, रौतहटमा घरभइ बारा कलैयामा कार्यरत ३२ वर्षीय पुरुष, सर्लाही हरिपुर टका ४८ वर्षीय पुरुषमा संक्रमण पुष्टि भएको हो ।
साथै, रुपन्देहीका ४०, ३२ र ५० वर्षीय तीनजना पुरुष, काठमाडौं सोह्रखुट्टैका ६९ वर्षीय पुरुष र नुवाकोट ककनीका ३९ वर्षीय पुरुषमा कोरोना संक्रमण पृष्टि भएको छ ।
यसैगरी प्रादेशिक जनस्वास्थ्य प्रयोगशाला भैरहवामा गरिएको परिक्षणमा रुपन्देहीका २३, ३० र ४० वर्षीय पुरुष र कपिलवस्तू खैरातीका ३५,३७ र ५२ वर्षीय तीनजना पुरुषमा संक्रमण पुष्टि भएको स्वास्थ्य मन्त्रालयले जनाएको छ ।
साथै गुल्मी मदाने गाउपालिकाका ३१ वर्षीय पुरुमा संक्रमण पृष्टि भएको छ । यससँगै कुल संक्रमितको संख्या ६०३ पुगेको छ । उनीहरु मध्ये तीन जनाको निधन भएको छ भने ८७ जना निको भइसकेका छन् ।