News Portal

  • दिल्लीबाट ६ नेपाली युवतीलाई नेपाल फर्काइयो

    सीताराम चौधरी२० असार २०७७
    १०४६ पटक
    २० असार २०७७

    कपिलवस्तु । विश्वभर कोभिड–१९ (कोरोना भाइरस) को सन्त्रास फैलिएको बेला सबैलाई आफ्नो स्वास्थ्य सुरक्षाको चिन्ता छ । तर धनकै लागि मरिहत्ते गर्नेलाई भने व्यक्तिगत स्वास्थ्यको चिन्ताभन्दा धन कमाउने उपायकै खोजीमा भौतारिन्छन् । यतिबेला बिचौलियाहरु मानव बेचबिखनकै तानाबाना बुनिरहेका छन् । सोझा साझा युवतीहरुलाई राम्रो जागिरको प्रलोभन देखाउँदै सीमा कटाउने गरेको घटना सार्वजनिक भएको छ । लकडाउनमा दैनिकी चलाउन निकै समस्या भएका युवतीहरु बिचौलियाको फन्दामा गरेका घटनाले मानव बेचबिखनमा बिचौलिया सक्रिय भएको तथ्य बाहिरिएको हो ।

    शान्ति पुनस्र्थापना गृहले भारतस्थित देशभक्त आवाज सामाजिक संस्थाको समन्वयनमा ६ नेपाली युवतीहरुलाई नेपाल फर्काउन सफल भएको हो । देशभक्त आवाज सामाजिक संस्थाको समन्वयनमा असार १९ गते शुक्रबार नेपाल ल्याई पुर्याइएको शान्ति पुनस्र्थापना गृहकी कपिलवस्तु संयोजक निशा पन्थीले जानकारी दिइन् । भारतको दिल्लीबाट शुक्रबार विहान युवतीहरु नेपालको कृष्णनगर आइपुगेको संयोजक पन्थीले बताइन् । उद्धार गरिएका युवतीहरुलाई शुक्रबार नै थप अनुसन्धानको लागि केन्द्रिय अनुसन्धान व्युरो काठमाडौं पठाइएको गृहकी कपिलवस्तु संयोजक पन्थीले बताइन् ।

    कुवेत र इरान निःशुल्क पठाइदिने प्रलोभनमा पारी गत ४ महिनाअघि ती युवतीहरुलाई बिचौलियाले भारतको दिल्ली पुर्याएको थियो । गत फागुन २९ गतेका दिन ती युवतीहरुलाई दुई बिचौलियाले सीमा कटाएका थिए । काठमाण्डौबाट पोखरा, बुटवल, कपिलवस्तु, दाङ हुँदैनेपालगञ्जको नाका हुदै भारतको दिल्ली पुर्याएको शान्ति पुनस्र्थापना गृहका क्षेत्रीय संयोजक भूमिराज भट्टराईले जानकारी दिए । बिचौलियाले दिल्लीस्थित बुरादी जोरदा भन्ने ठाउँमा नजरबन्द गरी राखेको क्षेत्रीय संयोजक भट्टराईले बताए । “विशेष सूचनाका आधारमा देशभक्त आवाज सामाजिक संस्थाको समन्वयमा ती युवतीहरुलाई नेपाल ल्याउन सफल भयौं”–भट्टराईले भने । उद्धार गरिएका युवतीहरु २६ वर्षदेखि ४१ वर्ष उमेर समूहका हुन् । उनीहरुमध्ये ४ जना मोरङ, एक झापा र एक पर्वतकी रहेको भट्टराईले जनाए ।

    युवतीहरुलाई प्रलोभनमा पारी सीमा कटाउने एक महिला र एक पुरुष छन् । बिचौलियाहरुको खोजीकार्य भइरहेको क्षेत्रीय संयोजक भट्टराईले बताएका छन् ।

    प्रतिकृया दिनुहोस्

    देश वृद्धाश्रम बन्ने खतरा रहेको उपप्रधान एवं गृहमन्त्री श्रेष्ठको खुलासा

    काठमाडौँ । उपप्रधान तथा गृहमन्त्री नारायणकाजी श्रेष्ठले युवाहरू बिदेसीने र उतै पलायन हुने क्रम बढेकोले...

    भक्तपुरको समाजलाई बुद्धिजीवीकरण गर्न र अनुशासित बनाउन स्काउट महत्त्वपूर्ण

    भक्तपुर । भक्तपुुरका नवनियुक्त स्काउटहरुलाई पदाधिकारीहरुलाई बधाई तथा शुभकामना कार्यक्रम सम्पन्न भएको छ । नेपाल...

    अस्पतालमा रुद्री !

    भौतिकवादको थलो अस्पतालमा भगवान शिवको आरधना गर्दै रुद्री पूजा गरिएको छ । वागमती प्रदेश सरकारको...

    भान्सामा महंगीको मार पर्न नदिन पहल, सस्तियो मूल्य

    भान्सामा प्रयोग हुने मसाला जिराको भाउ भारीमात्रामा घटेको छ । पछिल्लो समय जिराको मूल्य घटेको...

    ३५ दिनदेखि सिटिइभिटिका कर्मचारीहरु आन्दोलित, पेल्ने पक्षमा नेतृत्व

    सानोठिमीस्थित प्राविधिक शिक्षा तथा व्यावसायिक तालिम परिषद (सिटिइभिटि) का कर्मचारीहरु आन्दोलित भएका ३५ दिन पुगेको...