सूर्यविनायक, २४ असारबैंकिङ कसुर मुद्दामा सजाए पाए पनि फरार भएका एक ब्यक्ति पक्राउ परेका छन् । उनलाइ भक्तपुर प्रहरीले ३ महिनापछि मंगलबार पक्राउ गर्न सफल भएकाे हाे ।
पक्राउ पर्नेमा सूर्यविनायक ५ का भुपेन्द्र गोराजु रहेका छन् । बैकिङ कसुर मुद्दामा उच्च अदालत पाटनबाट गत चैतमा २ महिना कैद र ५० लाख जरिवाना फैसला भएका गोराजु फरार रहेकाले पक्राउ गरिएकाे महानगरीय प्रहरी परिसर भक्तपुरका डीएसपी दिपक गिरीले जानकारी दिए । डीएसपी गिरीका अनुसार कृष्णगोपाल राजलवटको जाहेरीले वादी नेपाल सरकार प्रतिवादी भुपेन्द्र गोराजु भएको बैकिङ कसुर मुद्दामा उनले सजाय पाएका थिए ।
गोराजुलाई पक्राउ गरी जिल्ला अदालत भक्तपुर पेश गरिएकोमा फैसला कार्यान्वयनको लागि केन्द्रीय कारागार, जगन्नाथदेवल सुन्धारा पठाउने आदेश भएकाे र साेही अनुसार उनलाइ केन्द्रीय कारागार, जगन्नाथदेवल चलान गरिएकाे डीएसपी दिपक गिरीकाे भनाइ छ ।