News Portal

  • आफ्नै भान्जाको हत्यारा १३ वर्षपछि पक्राउ

    भक्तपुरपोष्ट संवाददाताभक्तपुर, ४ साउन
    ६३१ पटक
    भक्तपुर, ४ साउन

    आफ्नै भान्जा नाता पर्ने ११ वर्षीय रोहित गुप्ताको अपहरण पश्चात हत्या गर्ने अभियुक्त भारत मुजफ्फरपुर नगर थाना आखाडाघाट ठेगाना भएका ४५ वर्षीय राजेश कुमार गुप्तालाई घटनाको १३ वर्षपछि प्रहरीले पक्राउ गरेको छ । महानगरीय अपराध महाशाखा काठमाडौंबाट खटिएको प्रहरीले गुप्तालाई सर्लाही मलंगवा-८ गोरखकालीबाट पक्राउ गरेको हो ।

    भारत बिहार सितामढी मुजफ्फरपुर घर भई काठमाडौं महानगरपालिका-२२ खिचापोखरी बस्ने राई स्कुल जोरपाटीमा अध्ययनरत रोहित २०६४ असोज २४ गते बेलुका घरबाट निस्केकोमा राति अपरिचित व्यक्तिले टेलिफोनमार्फत उनको बुबासँग छोरा अपहरणमा परेकोले २ लाख ५० हजार रुपैयाँ फिरौति रकम दिएमा मात्र छोरा छाड्ने जानकारी गराएका थिए । फिरौति रकम प्राप्त भए पश्चात पनि बालक अपहरण मुक्त नभएको र खोजतालस गर्ने क्रममा २०६४ असोज २७ गते बेलुका काठमाडौं महानगरपालिका-३२ कमलादीस्थित गणेश मन्दिर नजिक सडक पेटिमा प्लाष्टिकको बोरामा पोको पारी फालेको अवस्थामा रोहितको शव फेला परेको थियो ।

    अनुसन्धानको शिलशिलामा बालक अपहरण तथा हत्याको योजनाकार रोहितकै मामा राजेशले काठमाडौं खिचापोखरीमा रहेको पसलमा काम गर्ने धादिङ घर भएका बिष्णु सुनार समेतले जादु सिकाउने बाहनामा रोहितलाई बोलाई गोप्य कोठामा लगि बन्धक बनाउने क्रममा रोहित चिच्याउन लाग्दा राजेशले मुख थुनी दुवै जनाले घुडाले थिचेर रोहितको हत्या गरेको खुल्न आएको महानगरीय प्रहरी अपराध महाशाखा काठमाडौंले जनाएको छ ।

    घटना पश्चात राजेशले मृतकको बुबासँग फिरौति वापत २ लाख रुपैयाँ लिई थानकोटतर्फ गाएको र ट्याक्सीमा सवार अपरिचित व्यक्तिहरुले सो रकम लिएर गएको बहाना बनाउनुका साथै बालकको शवलाई बोरामा प्याक गरी भरियालाई व्यापारको खुद्रा सामान हो भनी कमलादीस्थित सडकमा फ्याकेको खुल्न आएको हो ।

    घटना पश्चात मृतकको बुबालाई समेत झुक्यानमा पारी उनीसँगै प्रहरी कार्यालयमा गई केही समयसम्म खोजतालस गरेको बहाना समेत गरी त्यसपछि फरार भएका थिए । घटनामा संलग्न बिष्णु सुनार २०६४ मंसिर १२ गते पक्राउ परी हाल कारागारमा रहेको उक्त महाशाखाले जनाएको छ ।

    यस सम्बन्धमा प्रहरीले थप अनुसन्धान गरिरहेको बताएको छ ।

    प्रतिकृया दिनुहोस्

    भक्तपुरमा पहिलो पटक तीन पुस्ते फोटो प्रदर्शनी हुने

    भक्तपुरमा पहिलो पटक तीन पुस्ते फोटो प्रदर्शनी हुने भएको छ। भक्तपर पर्यटन विकास समितिका अध्यक्ष...

    राप्रपाबाट निर्वाचित सांसद निलम्बित

    राष्ट्रिय प्रजातन्त्र पार्टीबाट निर्वाचित प्रदेश सांसदको पद निलम्बनमा परेको छ । कपिलवस्तु क्षेत्र नम्बर ३...

    रक्सि नखाउ भन्दा गयो ज्यान

    रूकुम पश्चिममा हजुरबाको हत्या आरोपमा प्रहरीले नातिलाई पक्राउ गरेको छ । रुकुम पश्चिमको मुसिकोट नगरपालिका-१२...

    शिशु निकेतन स्कूलकी छात्रा होस्टेलमै मृत फेला

    चितवनको रत्ननगर नगरपालिका–१० स्थित एकता शिशु निकेतन बोर्डिङ स्कुलको होस्टलमा एक छात्रा मृत फेला परेकी...

    चाँगुनारायणमा घरफोडी दिनदहाडै चोरी, २ युवक पक्राउ

    भक्तपुरको चाँगुनारायण नगरपालिका वडा नं. ३ मा कोही नभएको मौका पारी दिनदहाडै चोरी गर्ने २...