भक्तपुर, ५ साउनभक्तपुरमै लिकीछुपी रहेका बैंकिङ कसुर मुद्धाका फरार प्रतिवादी पक्राउ परेका छन् । सूर्यविनायककाे बालकोट ठेगाना भएका ५६ वर्षीय मधुसुधन सिलवाललाई प्रहरीले पक्राउ गरेको हो ।
भक्तपुर १ स्थित सिद्धपोखरीबाट आइतबार उनलाई पक्राउ गरिएको प्रहरीले जनाएको छ । सिद्धार्थ डेभलपमेण्ट बैंकको, बैंकिङ कसुर सम्बन्धी दुईवटा मुद्दामा उनी दोषी करार भएका थिए । उनी उक्त बैंकका तत्कालीन संचालक समेत रहेका बेला बैंकिङ कसुर गरेको प्रमाणित भएपछी उच्च अदालत पाटनले ३० लाख रुपैयाँ धरौटी जफत र २ वर्ष कैद हुने फैसला गरेको थियो ।
यसैगरी सोही बैंकको बैंकिङ कसुर सम्बन्धी अर्को मुद्दामा उच्च अदालत पाटनले सिलवाललाई ३ वर्ष कैद र १ करोड जरिवाना फैसला सुनाएको थियो । दुबै मुद्दामा दोषी करार भएका उनी फरार रहेका थिए ।
उनलार्ई आवश्यक कारवाहीका लागि सोमबार जिल्ला अदालत भक्तपुर पठाइएको केन्द्रीय अनुसन्धान ब्यूरो महाराजगंजले जनाएको छ ।
याे पनि
५ दिन कैद र जरिवाना फैसला भएपछि फरार सल्लाघारीका प्रधानाङ्ग पक्राउ