भक्तपुरपोस्ट संवाददाता भक्तपुर, १७ साउन
भक्तपुर, १७ साउन नेपाल आयल निगमले पेट्रोलियम पदार्थको मूल्यमा वृद्धि गरेको छ । निगमले पेट्रोलियम पदार्थको मूल्यमा प्रतिलिटर २ रुपैयाँ बढाएको हो ।
शनिवार राति १२ बजेदेखि नै लागू हुनेगरी पेट्रोल, डिजेल र मटितेलमा प्रतिलिटर २ रुपैयाँ बढाउने निर्णय भएको नेपाल आयल निगमले जनाएको छ । अन्तर्राष्ट्रिय बजारमा इन्धनको मूल्य बढेकोले मूल्यसमायोजन मात्र गरेको निगमको जिकिर छ ।
यो संगै पेट्रोलको खुद्रा मूल्य डिजेल र मटितेल ९० रुपैयाँ एवं पेट्रोल १ सय ४ रुपैयाँ प्रतिलिटर पर्ने भएको छ । हवाई इन्धन र खाना पकाउने एलपी ग्यासको मूल्य भने यथावत् गरिएको छ ।