चागुँनारायण, २२ साउनस्कुटीको ठक्करबाट भक्तपुरकी एक महिलाको ज्यान गएको छ । बुधवार दिउँसो भएको सडक दुर्घटनामा भक्तपुर नगरपालिका वडा नम्बर २ भोलाछे बस्ने बर्ष ४१ की सुन्दरी सुवालको ज्यान गएको हो ।
चागुँनारायणबाट भक्तपुर तर्फ आउदै गरेको प्रदेश ३-०२-०१५ प ७२६५ नं.को स्कुटीले पैदल हिडिरहेकी सुन्दरीलाई भक्तपुर चागुँनारायण सडक स्थित वान्टीमा ठक्कर दिएको थियो । गम्भीर घाईते उनलाई भक्तपुर अस्पताल बाट दिउसो नै काठमाडौंस्थित ट्रमा सेन्टर पठाईएको थियो । त्यहाँ पनि उपचार हुन् नसकेपछि थप उपचारका बेलुकी ७:२० बजेको समयमा न्युरो अस्पताल बासँबारी रिफर गरिएको थियो । न्युरो अस्पतालमा उपचारकै क्रममा उनको निधन भएको महानगरीय प्रहरी परिसर भक्तपुरका डिएसपी दिपक गिरीले जानकारी दिए ।
डिएसपी गिरीका अनुसार घाइते सुवालको बिहीवार बिहान ०७:४५ बजेको समयमा मृत्यु भएको छ भने स्कुटी चालक चागुँनारायण नगरपालिका वडा नं. ६ छालिङ बस्ने बर्ष २२ को आशिष कार्कीलाई नियन्त्रणमा लिई थप अनुसन्धान कार्य भईरहेको छ ।