भारतको केरलस्थित करीपुर एयरपोर्टमा एयर इंडिया एक्सप्रेसको एक विमान लैंडिंग गर्ने क्रममा चिप्लेर दुर्घटना भएको छ । दुबईबाट आएको यो विमानमा पायलट र क्रू मेंबर समेत १९१ यात्री सवार रहेका थिए ।

समाचार एजेंसी एएनआईको हवाला दिंदै भारतीय अनलाइन अमरउजालाले जनाए अनुसार दुर्घटनामा परी १४ जनाको ज्यान गएको छ भने १२३ घाइते भएका छन् जसमध्ये १५ जनाको अवस्था चिन्ताजनक रहेको छ । विमानमा १२८ पुरुष, ४६ महिला र १० बच्चा सवार थिए ।

14 dead, 123 injured and 15 seriously injured in Kozhikode plane crash incident at Karipur Airport: Malappuram SP to ANI. #Kerala pic.twitter.com/QfFZxHDkVx

— ANI (@ANI) August 7, 2020
शुक्रवार साझ ७ .४५ बजे लैंडिंग गर्ने क्रममा जहाज चिप्लिएको थियो । जानकारी अनुसार वर्षाको कारण रनवे हिलो हुँदा जहाज चिप्लिएको हो । नागरिक उड्डयन महानिर्देशनालय (डीजीसीए)ले विस्तृत जांचका लागि आदेश दिएको छ ।

चिम्लिएपछि विमान करीब ३० फीट गहरो खाल्डोमा खसेको थियो । यो हवाई अड्डा भौगोलिक रूपले ‘टेबल टॉप’ छ , मतलब वरिपरि खाडल छ । रनवेमा चिप्लिएको विमान सोहीकारण खाल्डोमा खसेको र २ टुक्रा भएको अमर उजालाको भनाइ छ ।