News Portal

  • दबाबमा देउवा

    १००२ पटक

    काठमाडौं, ३२ साउन । कांग्रेस सभापति शेरबहादुर देउवा आसन्न १४ औं महाधिवेशनबाट फेरि सभापति पदमा दोहोरिन चाहन्छन् । उनले सार्वजनिक रुपमा सभापतिमा दोहोरिने घोषणा नगरेपनि आफूनिकट नेताहरुलाई यसबारे प्रष्ट जानकारी गराइसकेका छन् । महाधिवेशनलाई नै लक्षित गरेर देउवाले धमाधम विभाग गठन गर्नुका साथै सदस्य मनोनयनलाई तीव्रता दिनु त्यसैको संकेत हो ।

    तर सभापतिमा दोहोरिने देउवाको चाहना भएपनि अघिल्लो पटक जस्तो सहज भने नरहेको कांग्रेस नेताहरु बताउँछन् । १३ औं महाधिवेशनमा देउवालाई सभापति बनाउन उनको समूह एक ढिक्का थियो भने महाधिवेशनको मुखमा तत्कालीन संस्थापन समूह विभाजित बन्न पुग्यो । यतिबेला संस्थापन इतर समूहमा सभापतिका आकांक्षी धेरै भएपनि सबैको एउटै मत छ, ‘सभापतिमा देउवालाई जसरी पनि रोक्ने ।’

    महाधिवेशन नजिकिएसँगै संस्थापन समूहभित्रबाटै उपसभापति विमलेन्द्र निधिले पनि सभापति पदका लागि दौडधुप व्यापक बनाएपछि देउवा थप दबाबमा परेका छन् । ‘उहाँ –निधी) चर्चामा आउन हल्काफुल्का रुपमा कुरा गर्ने नेता होइनन्, ’ देउवा निकट एक केन्द्रीय सदस्यले भने, ‘उहाँको कुरा सभापतिज्यूले गम्भीर रुपमा सुन्नुपर्छ र त्यसको समयमै निकास दिनुपर्छ ।’

    उपसभापति निधिकै पुस्ताका नेताहरु प्रकाशमान सिंह, शशांक कोइराला, शेखर कोइरालालगायतले सभापतिमा उम्मेदवारी घोषणा गरिसकेका छन् । विद्यार्थी राजनीति हुँदै नेविसंघको अध्यक्ष, पार्टी केन्द्रीय सदस्य, महामन्त्री र अहिले उपसभापतिको जिम्मेवारीमा रहेका निधिको सभापति पदमा दाबेदारी स्वभाविक भएको संस्थापन समूहकै नेताहरु बताउँछन् ।

    उपसभापति निधीले सभापति देउवालाई भेटेरै सभापति पदमा उठ्ने जानकारी गराइसकेका छन् । साथै उनले देउवाको सहयोगसमेत मागेका छन् । ‘मैले सभापतिका लागि तयारी सुरु गरिसके, तपाईको सहयोगमा म सभापति पदमा उठ्छु,’ बिहीबार दिउँसो दुई नेताबीच वान टु वान वार्तामा निधीले भने, ‘अघिल्लो महाधिवेशनमा अर्को पटक मलाई सहयोग गर्ने वचन दिनुभएकै हो । त्यो सम्झनु्स् । म अगाडि बढिसकेँ ।’

    दुई नेताबीच करिब दुई घण्टा भएको एक्लाएक्लै वार्तामा देउवाले यसपकट आफूलाई सहयोग गर्न र १५ औं महाधिवेशनमा सहयोग गर्ने भनेपनि निधिले अस्वीकार गरेको बूढानीलकण्ठ स्रोतले जनाएको छ ।

    ‘सभापतिज्यूले यसपटक म आफैँ उठ्छु । अर्कोपटक तपाई नै हो नि भन्नुभयो,’ स्रोतले भन्यो, ‘तर निधिले मान्नुभएन । बरु सभापतिज्यूलाई नै अब नदोहोरिन कन्भिन्स गर्न खोज्नुभयो ।’ निधिले कुनै पनि हालतमा आफू सभापतिमा उठ्ने र कांग्रेसलाई एक ढिक्का बनाउन सर्वसम्मत नेतृत्वका पक्षमा आफू रहेको सुनाएपछि देउवा झस्किएका छन् ।’

    ‘उपसभापति विमलेन्द्र निधि हाम्रो समूहको सेकेण्ड म्यान हो । उहाँले सभापति पदमा लड्छु भन्नुभएको हो तर देउवासँगै प्रतिस्पर्धा गर्छु भन्नुभएको छैन,’ केन्द्रीय सदस्य मीनबहादुर विश्वकर्माले भने, ‘यही टीमबाट मलाई सहयोग गर्नुपर्यो । तपाईको सहयोगमा म चुनाव लड्छु भन्ने उहाँको भनाइ हो ।’

    निधि अन्तिमसम्म देउवालाई दबाब दिँदै जाने रणनीतिमा छन् । यसबीचमा उनले वरिष्ठ नेता रामचन्द्र पौडेल, महामन्त्री शशांक कोइराला, नेता प्रकाशमान सिंहलगायतसँग आफ्नो उम्मेदवारीबारे छलफल गरेका छन् ।

    ‘सहमतिमा नेतृत्व चयन गरौं र कांग्रेसभित्र गुटको अन्त्य गरौं भन्ने पक्षमा छु । रामचन्द्रजी, प्रकाशमान, शशांकजीसँग छुट्टाछुट्टै कुराकानी भइरहेको छ,’ उनले भने, ‘पार्टीका नेताहरुसँग पार्टी, महाधिवेशन, समसामयीक राजनीतिका बारेमा छलफल हुने कुरा त स्वभाविक होइन र ?’ अन्नपूर्ण पोस्ट्

    प्रतिकृया दिनुहोस्

    उपचुनाव भ्रष्टाचारको पक्ष र विपक्षमा जनमत संग्रहजस्तै भएको प्रचण्डको भनाइ

    नेकपा (माओवादी केन्द्र) का अध्यक्ष तथा गणतन्त्र नेपालका प्रथम प्रधानमन्त्री पुष्पकमल दाहाल प्रचण्डले अहिलेकाे उपचुनाव...

    गठ्ठाघरमा एकाविहानै सडक दुर्घटना, पतिपत्नी सवार स्कुटीलाई ट्रकले ठक्कर दिँदा नविनाको निधन

    भक्तपुरमा एकाबिहानै सडक दुर्घटना हुँदा एक जनाको ज्यान गएको छ । पतिपत्नी सवार स्कुटीलाई १२...

    प्रदुषण नियन्त्रणका उपाय खोज्न बृहत अन्तरक्रिया हुने, दुई घण्टा अभियानलाई संयोजनको जिम्मा

    वागमती प्रदेश सरकारका वन तथा वातावरण मन्त्री कृष्ण प्रसाद सिलवालसँग राष्ट्रका लागि दुई घण्टा अभियानका...

    मध्यपुर थिमि नगरपालिका अस्पताललाई १ अर्व २७ करोड सहयोग, नयाँ भवन शिलान्यास

    भक्तपुरको मध्यपुर थिमि नगरपालिकामा दक्षिण कोरियाको सहयोगमा निर्माण हुने अस्पताल भवन शिलान्यास भएको छ ।...

    गणतन्त्र सेनानी सम्मान कार्यक्रम स्थगित

    गणतन्त्र सेनानी सम्मान कार्यक्रम स्थगित गरिएको छ । आज अपराह्नको लागि तय भएको सो कार्यक्रम...