News Portal

  • कीर्तिपुरमा सेमिलकडाउन

    इभक्तपुर संवाददाता
    ४८२ पटक

    काठमाडौं, ३ भदौ । कीर्तिपुर नगरपालिकाले तराईका जिल्ला बसोबास गर्ने र २० दिन अघिसम्म तराईका जिल्ला घुम्न गएका स्थानीयको पीसीआर परीक्षण शुरु गरेको छ । नगरपालिकाले रोजगारीको सिलसिलामा कीर्तिपुर भित्रिएकालाई पीसीआर परीक्षण गर्न आग्रह गरेको छ ।

    कोरोना संक्रमण बढ्न थालेपछि ‘सेमी लकडाउन’ शुरु गरेको नगरपालिकाले २० दिनभित्र सबैको परीक्षण सम्पन्न गर्ने जनाएको छ । कीर्तिपुर नगरपालिकाका मेयर रमेश महर्जनले २० दिनअघि तराई पुगेका र घुम्न गएका स्थानीयको परीक्षण शुरु गरेको जानकारी दिनुभयो । नगरपालिकाले सबै स्थानीयलाई सार्वजनिक सूचना जारी गरी पीसीआर परीक्षण गर्न आह्वान गरेको उहाँले बताउनुभयोे ।

    नगरपालिकाका उपप्रमुख एवं प्रवक्ता सरस्वती रिजाल खड्काले कोभिड कमिटी सीसीएमसीको पहलमा मंगलबारबाट पीसीआर परीक्षण शुरु गरिएको जानकारी दिनुभयो । कीर्तिपुर नगरपालिकाले सोमबारदेखि कीर्तिपुरबाट चल्ने सार्वजनिक यातायात बन्द गरेको छ । नगरपालिकाले सबै सार्वजनिक यातायात भदौ ९ गतेसम्मका लागि सञ्चालन नगर्ने निर्णय गरेको हो । औषधि पसलबाहेक अन्य पसल र व्यवसायहरु बिहान ७ देखि ११ बजेसम्म मात्र खुला रहने व्यवस्था गरेको छ । मेयर महर्जनले कीर्तिपुरमा कोरोना महामारीका रुपमा फैलन नदिन सो व्यवस्था गरिएको जानकारी दिनुभयो ।

    उहाँले मन्दिर, रेस्टुरेन्टलगायत मनोरञ्जनका सबै स्थल बन्द गरिएको जानकारी दिनुभयो । नगरपालिकाले वाघभैरव, विष्णुदेवी, जलविनायक, आदिनाथलगायत सबै मन्दिर बन्द गरेको छ ।
    प्रवक्ता एवं उपमेयर रिजाल खड्काले जिल्ला प्रशासन कार्यालय काठमाडौंको निर्णय कार्यान्वयन गरिएको बताउनुभयो । उहाँले भन्नुभयो–‘केही निर्णय थपेका छौं, थपेका सबै निर्णय कार्यपालिकाको बैठकले अनुमोदन गराएको हो ।’ महामारीबाट बच्ने उपायबारे जानकारी गराउन नगरपालिकाले माइकिङक शुरु गरेको छ ।

    अनुगमनलाई तीव्रता दिएको मेयर महर्जनले बताउनुभयो । उहाँले नगरपालिकाले केही दिनभित्र आफ्नो पीसीआर मेसिनबाट स्वाब संकलन गर्ने कार्य शुरु गर्न लागिएको बताउनुभयो । भन्नुभयो– ‘करिब २३ लाख रुपियाँ लगानीमा ल्याउन लागिएको मेसिन ठेकेदारले केही दिनभित्र नगरपालिकालाई हस्तानतरण गर्ने भएको छ ।’

    नगरपालिकाले कीर्तिपुर अस्पतालमा १० वेडको आइसोलेसन, डेडिकेटेड एम्बुलेन्स सेवा शुरु गर्ने भएको छ । स्थानीयसहित करिब १ लाख जनसंख्या रहेको कीर्तिपुर नगरपालिकाले सोमबारदेखि ९ गतेसम्म सेमिलकडाउन गरेको हो ।

    प्रवक्ता एवं उपप्रमुख रिजाल खड्काले प्रमुख जिल्ला अधिकारीको निर्देशनअनुसार नगरपालिकाले आंशिक रुपमा बन्द गरेको बताउनुभयो । ९ गतेसम्मका लागि भने पनि आवश्यकताको आधारमा समय थप गर्न सकिने उपमेयर रिजाल खड्काले बताउनुभयो ।

    नगरपालिका क्षेत्रमा भीडभाडलाई पूर्ण निषेध गरिएको छ भने कुनै पनि सवारी सञ्चालन गर्न रोक लगाइएको छ । सबैलाई बिहान ७ देखि ११ बजेसम्म आवश्यक सामग्री खरिद र भण्डारण गर्न निर्देशन गरेको छ । नगरपालिकाले ठाउँ–ठाउँमा प्ले कार्ड राखेर निषेधित क्षेत्र घोषणा गरेको छ ।

    जनतालाई दुःख दिनभन्दा पनि रोगबाट सबैलाई बचाउन यस्तो नियम लागू गरेको मेयर महर्जनले बताउनुभयो । अवस्था सामान्य नभएसम्म यो व्यवस्थालाई यथावत राख्ने तयारी गरेको उहाँको भनाइ थियो । हालसम्म कीर्तिपुर नगरपालिका क्षेत्रभित्र १६ जना संक्रमित भेटिएपछि थप कडाइ गरेको हो । नेपाल समाचारपत्र

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...