News Portal

  • खाद्यान,तरकारी लगायतका बस्तु बिहान सवा ९ भित्र खरिदबिक्री गरिसक्नु : जिप्रका

    भक्तपुरपोस्ट संवाददाता भक्तपुर, ८ भदौ
    १०१६ पटक
    bhaktapur cdoभक्तपुर, ८ भदौ

    भक्तपुरमा एक साताको लागि जारी गरिएको निषेधाज्ञा पाचौं दिनमा पुगेको छ । पाचौंदिनसम्म आइपुग्दा निषेधाज्ञाको पूर्व प्रभाव परेको देखिन्छ ।

    बुधबार राती १२ बजेदेखि भदौ १० गते राती १२ बजेसम्म एकसाताको लागि प्रमुख जिल्ला अधिकारी हुमकला पाण्डेले निषेधाज्ञा जारी गरेकी हुन् । कोभिड१९ रोकथाम र नियन्त्रणका लागि निषेधाज्ञा जारी भएको हो । निषेधाज्ञामा अत्यावश्यक सेवा भनी तोकिएका बाहेक कार्यालय, व्यवसाय र सवारी साधन समेत संचालन गर्न बन्देज गरिएको छ । खाद्यान्न आपूर्ती, स्वास्थ्य सेवा र सुरक्षाजस्ता सेवालाई भने अत्यावश्यक सेवा मानि संचालनमा रोक लगाइएको छैन ।

    प्रजिअ पाण्डेले अत्यावस्यक सेवामा बन्देज गरिएको नभएता पनि अत्यावस्यक कार्य गर्ने बहानामा अनावस्यक रुपले बाहिर निस्कन र व्यवसाय गर्न नपाइनेमा जोड दिएकी छन । आइतवार सूचना नै जारी गर्दै जिप्रकाले खाद्यान,तरकारी, मासु र दुग्धजन्य पदार्थ एवं ग्यास लगायतका अत्यावस्यक सामानहरु बिहान सवा ९ बजे भित्र खरिद बिक्री गरिसक्नुपर्ने बताएको छ । बेलुकी मानिसहरु किनमेलका लागि निस्कने कुरालाई निरुत्साहित गर्दै यस्तो सूचना आएको हो ।

    अत्यावस्यक सेवामा पर्ने खाद्यान्न, तरकारी लगायतको कारोबारमा रोक नलगाइएको भएपनि जिप्रकाले त्यसका लागि बिहान सवा ९ बजेसम्मको समयसीमा तोकीदिएको हो । जिल्लामा कोरोना संक्रमितको संख्या बढ्दो भएकोले अनावश्यक घर बाहिर ननिस्कन र स्वास्थ्य सम्बन्धी सावधानी अपनाउन आह्वान समेत गरिएको छ ।

    औषधी, पानी र स्वास्थ्य सम्बन्धी सेवा प्रवाहको लागि भने बन्देज नगरिएको र २४ घण्टा खुला राख्न सकिने बताइएको छ ।

    संक्रामक रोग ऐन, २०२० को दफा २ एवं स्थानीय प्रशासन ऐन, २०२८ को दफा ६(३) बमोजिम बमोजिम निषेधाज्ञा जारी भएको र त्यसको उल्लङ्घन गर्ने जो कोही कारवाहीको भागीदार हुने प्रजिअ पाण्डेले प्रष्ट पारिन् । प्रजिअ पाण्डेले निषेधाज्ञा उल्लङ्घन गर्ने जोकोहीलाई कारवाही गर्ने भन्दै सो सम्बन्धी सूचना भए आफूलाई प्रत्यक्ष टेलिफोन अथवा इमेलमार्फत सुचित गर्न भक्तपुर पोस्ट मार्फत आह्वान समेत गरेकी छन् ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...