भक्तपुर अस्पतालमा ज्यान गुमाएका बृद्ध ब्यक्तिमा मृत्युुपछि कोरोना पुष्टि भएको छ । निमोनियाबाट ग्रसित भै उपचाररत उनको कोरोनाको कारण ज्यान गएको हो ।

साँझ करिब ४ बजे ज्यान गुमाएका उनी भक्तपुर ३ का ८२ वर्षिय स्थानीय जेष्ठ नागरिक भएको अस्पतालका अध्यक्ष मिलन सुवालले बताए । स्वाब लिएर परीक्षण गर्दा उनको मृत्यु पछि रिपोर्टमा कोरोना पोजेटिभ पाइएको अस्पतालकी मेसु डा सुमित्रा गौतमले जानकारी गराइन् ।

भक्तपुरकी प्रमुख जिल्ला अधिकारी हुमकला पाण्डेले मृतकको शवलाइ नेपाली सेनाले ब्यवस्थापन गर्ने बताइन् । मृतकको उपचारमा संलग्न स्वास्थकर्मी र मृतकका परिवारलाई क्वारेन्टाइनमा राखी कोरोना परीक्षण गरिने उनको भनाइ छ ।