News Portal

  • भक्तपुरमा ७४ जना संक्रमित थपिएसंगै कूल संक्रमितको संख्या १५ सय पुग्याे

    भक्तपुरपोस्ट संवाददाता भक्तपुर, ५ असोज
    ९२१ पटक
    भक्तपुर, ५ असोज

    पछिल्लो २४ घन्टामा भक्तपुरमा ७४ जना कोरोना संक्रमित थपिएका छन् । काठमाडौं उपत्यकामा ६७४ जना कोरोना संक्रमित थपिदा भक्तपुरमा ७४ जना थपिएका हुन् ।

    यो संगै भक्तपुरमा कूल संक्रमितको संख्या करिब १५ सय पुगेकाे छ । जसमध्ये सबैभन्दा बढी संक्रमित मध्यपुर थिमी नगरपालिका भित्र रहेका छन् । हालसम्म मध्यपुरमा मात्र झन्डै ७ सयको संख्यामा संक्रमित भएका छन् । भक्तपुरभरी अझैपनि साढे ८ सय सक्रिय संक्रमित रहेका जिल्ला प्रशासन कार्यालयका प्रशासकीय अधिकृत यज्ञराज जोशीले जनाएका छन् ।

    स्वास्थ्य मन्त्रालयका प्रवक्ता डा जागेश्वर गौतमले दिएको जानकारी अनुसार भक्तपुरमा ७४ ललितपुरका ६२ र काठमाडौंमा ५३८ गरी सोमबार ६७४ जनामा संक्रमण पुष्टि भएको छ। यो संगै काठमाडौंमा १४ हजार, ललितपुरमा १६ सय बढीमा संक्रमण पुष्टि भएको छ । सानो जिल्ला भएपनि भक्तपुरमा ललितपुरकै हाराहारीमा संक्रमित देखिएका छन् ।

    आज थपिएका सहित काठमाडौं उपत्यकामा मात्र कोरोना संक्रमितको संख्या १७ हजार नाघेको छ भने सोमबार देशभर १ हजार १ सय ५४ जना संक्रमित थपिदा कूल संक्रमित संख्या ६५ हजार २ सय ७६ पुगेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।

    आज देशभर १० कोरोना संक्रमितको मृत्यु हुँदा काठमाडौं उपत्यकामा २४ घण्टामा ६ संक्रमितको मृत्यु भएको मन्त्रालयले जनाएको छ।मृत्यु हुनेमा भक्तपुरका ८४ र ६२ वर्षिय बिरामी पनि छन् ।

    हाल देशभर १७ हजार ६११ जना सक्रिय संक्रमित रहेका छन् भने ८ हजार बढी मानिसहरु होम आइसोलेसनमा बसेका छन्।

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...