भक्तपुरपोस्ट संवाददाता भक्तपुर, २५ असोज
भक्तपुर, २५ असोजनेकपा मसाल, क्रान्तिकारी माओबादी, माले, रास्ट्रिय जनमोर्चा नेपाल लगायत २० राजनीतिक घटकहरुले केपी ओली सरकार बिरुद्ध अर्को जनआन्दोलनको आवस्यकता भएको निष्कर्ष निकालेका छन् । संयुक्त बैठकले तत्कालै संघर्षका कार्यक्रमसमेत सार्वजनिक गरेको छ ।
२० राजनीतिक संगठनका तर्फबाट आइतवार प्रेस बिज्ञप्ती जारी गर्दै नेता सी.पी. गजुरेलेले बिहीवार दिउसो १ बजे माइतीघर मण्डलामा संयुक्त बिरोध प्रगर्शन गर्ने बताए । विद्यमान सरकारको मात्र नभई राज्य व्यवस्थाकै विकल्पको खोजी भैरहेको जिकिर गर्दै नेता गजुरेलले आत्मगत शक्तिको तयारी गर्दै भरपर्दो विकल्पको बिकासमा सक्रियतापूर्वक लाग्न अपिल समेत गरेका छन् ।
संघर्षका कार्यक्रम कोभिद १९ जोखिम लाइ मध्यनजर गर्दै स्वास्थ्य सुरक्षा सम्बन्धी सम्पूर्ण मापदण्ड पूरा गरि गरिने नेता गजुरेलको भनाइ छ ।