सूर्यविनायक, १५ कात्तिकसूर्यविनायकमा खेत जोत्ने हाते ट्याक्टर दुर्घटना हुँदा चालकको ज्यान गएको छ । दुर्घटनापछि गम्भीर घाइते भएका उनको उपचारकै क्रममा ज्यान गएको हो ।
ज्यान गुमाउने व्यक्ति कृष्ण राम सुवाल हुन् । शनिवार बिहान करिब १० बजेको समयमा उनी दुर्घतनामा परेका थिए । सूर्यविनायक नगरपालिका वडा नम्बर ८ दार्जिलिङ हाईटमा खेत जोत्ने हाते ट्याक्टर दुर्घटना हुँदा स्थानीय ५० वर्षीय कृष्ण राम सुवालले ज्यान गुमाउन पुगेका प्रहरीले जनाएको पुष्टि गरेको हो ।
खेत जोत्ने हाते ट्याक्टर पक्की सडकबाट भिरालो बाटोमा गुडाएर ल्याउदा अनियन्त्रित भई पल्टदै जाँदा सोही ट्याक्टरको फाली (जोत्ने भाग) ले घाँटी लगायतको भागमा गम्भीर चोट लागेपछि सुवाललाई उपचारको लागि मध्यपुर अस्पताल पुर्याइएको थिए । उपचार हुँदाहुदै १०:३० बजे उनलाई चिकित्सकले मृत घोषित गरिदिएका थिए । घटना सम्बन्धमा थप अनुसन्धान भईरहेको डिएसपी दिपक गिरीले जानकारी दिए ।