News Portal

  • अमेरिकामा आगामी डिसेम्बरदेखि कोरोनाविरुद्धको खोप लगाउन सुरु गरिने

    ११३५ पटक

    एजेन्सी । अमेरिकी नागरिकले आगामी डिसेम्बर ११ देखि कोभिड–१९ खोप पाउने भएका छन् । कोरोना भाइरसविरुद्धको खोप कार्यक्रमका प्रमुख डा.मोन्सेफ सलोईले खोपको स्वीकृति प्राप्त गरेको २४ घण्टाभित्र यसलाई खोप केन्द्रमा पु¥याउने योजना बनाएको बताए ।

    कोरोना भाइरसले अमेरिका विश्वमै सबैभन्दा बढी प्रभावित मुलुक हो । जोन्स हप्किन्स विश्वविद्यालयका अनुसार अमेरिकामा हालसम्म १ करोड २२ लाख १९ हजार २ सय ९ जना संक्रमित भएका छन् भने २ लाख ५६ हजार ७ सय २३ जनाको मृत्यु भइसकेको छ। सबैभन्दा बढी प्रभावित राज्य न्युयोर्कमा ३४ हजार ३ सय १९ जनाको मृत्यु भएको छ ।

    औषधि कम्पनी फाइजर र यसको सहयोगी कम्पनी बायोएनटेकले शुक्रबार कोभिड–१९ को खोपलाई अमेरिकामा आपतकालीन स्वीकृतिका लागि आवेदन दिइसकेको छ। कम्पनीका अनुसार यो खोप ६५ वर्षभन्दा बढी उमेरका मानिसमा ९४ प्रतिशत प्रभावकारी देखिएको छ ।

    फाइजरका अनुसार सन् २०२० मा ५ करोड र २०२१ मा १.३ अर्ब डोज खोप उत्पादन गर्नेछ । प्रत्येक व्यक्तिलाई खोप दिइनेछ ।

    खोपलाई स्वीकृति दिन अमेरिकी खाद्य एवं औषधि प्रशासन (एफडीए) को भ्याक्सिन सल्लाहकार समितिको बैठक १० डिसेम्बरमा बस्दैछ। डा. सलोईले स्वीकृति पाएलगत्तै ११ या १२ डिसेम्बरबाटै खोप दिन सुरु गरिने बताए ।

    खोप प्रत्येक राज्यको जनसंख्याको आधारमा वितरण गरिनेछ । पहिले कसलाई दिने भन्ने तय भने राज्यले गर्ने जाइएको छ । तर सबैभन्दा पहिले फ्रन्टलाइनमा काम गर्ने र वृद्धहरुलाई दिइनेछ। उनले आगामी वर्षको मेसम्म ७० प्रतिशतलाई खोप दिने योजना रहेको बताए ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...