भक्तपुर, २० पुस भक्तपुरको सूर्यविनायक -५ स्थित चुनदेवी सामाजिक सेवा समाजको दोश्रो साधारण सभा तथा प्रथम अधिवेशन सम्पन्न भएको छ। गत शनिवार भक्तपुर गेष्ट हाउसमा सम्पन्न प्रथम अधिवेशनबाट समाजले नयाँ कार्यसमिति समेत चयन गरेको छ ।
संस्थाको प्रथम अधिवेशनबाट गणेश भक्त साखः को नेतृत्वमा १५ सदस्यीय कार्यसमिति सर्वसम्मत निर्वाचित गरिएको समाजले जानकारी गराएको छ । भक्तपुर पोस्टलाई प्राप्त जानकारी अनुसार उपाध्यक्षमा बद्री बस्नेत सचिवमा अनुप केसी कोषाध्यक्षमा ईश्वर खडका निर्वाचित भएका छन् । त्यसैगरी कार्यसमिति सदस्यहरुमा भरत संग्रौला सुधाम केसी., कुश्माखर सापकोटा,शम्भु प्रसाद गौतम,केदार गोतामे,भागीरथा सिटौला,सीता उप्रेती,सबिना के सी,सरस्वती कार्की,रमा भुर्तेल र श्री कृष्ण राउत समेत १५ सदस्यीय कार्यसमिति चयन भएका बताइएको छ ।
जिल्ला समन्वय समिति भक्तपुरका प्रमुख नवराज गेलालको प्रमुख आतिथ्यतामा सम्पन्न कार्यक्रममा वडा नं ५ का वडा अध्यक्ष राजकुमार जोशीको पनि उपस्थिथि रहेको थियो ।
संस्थाले विगतमा चुनदेवी मन्दिर मन्दिर परिसरको पाटी जिर्णोद्दार गरी सकेको र आगामी दिनमा सोहि स्थान नजिक सिमको धारामा सामुदायिक तथा स्वास्थ्य भवन निर्माण गर्ने र सामाजिक सेवामा थप क्रियाशील रहने नयाँ कार्यसमितिले प्रतिवद्धता प्रकट गरेको छ । ‘जिल्ला समन्वय समितिबाट ५० लाख र अरु थप रकम प्रप्त हुने आश्वासन पाएकोले संस्थाको उदेश्य मुताविक उक्त भवन बन्ने बिश्वास लिएका छौ ।’ २ वर्षे कार्यकालको लागि कार्यसमितिको अध्यक्ष भएका गणेश भक्त साखः ले भने ।
