News Portal

  • केपी ओली नेपालको सबैभन्दा ठूलो ठग हो : खनाल

    भक्तपुरपोस्ट संवाददाता भक्तपुर, २५ पुस
    ७९९ पटक
    भक्तपुर, २५ पुस

    पूर्व प्रधानमन्त्री एवं पूर्व पार्टी अध्यक्षसमेत रहेका नेपाल कम्युनिष्ट पार्टी (नेकपा) का वरिष्ठ नेता झलनाथ खनालले प्रधानमन्त्री केपी शर्मा ओली ठग भएको आरोप लगाएका छन् । नेकपाको अध्यक्ष भएर ओलीले नेताकार्यकर्तालाई ठगेका र प्रधानमन्त्री भएर जनतालाई ठगेका जिकिर गर्दै उनले ओली देशकै सबैभन्दा ठूला ठग भएको आरोप लगाएका हुन् ।

    शनिवार मध्यपुर ठिमीमा आयोजित नेकपा भक्तपुरका अगुवा कार्यकर्ता भेलालाई सम्बोधन गर्दै वरिष्ठ नेता खनालले केपी ओलीलाई पार्टी, संगठन र कम्युनिष्ट आन्दोलनको माया नभएको खुलासा गरे । व्यक्ति हत्यामा शुरुमै जेल परेका ओलीलाई पार्टीले जिम्मेवारी लिएर गल्ती गरेको भन्दै उनले त्यस गुनको बदला बैगुनी ओलीले पार्टीलाई बर्बाद बनाएको बताए ।” उनी १४ वर्ष जेलमा बसे । पार्टी संगठन कसरी बन्यो भन्ने उनलाई पत्तै भएन । हामीले दुख कष्टपूर्वक खडा गरेको पार्टीप्रति उनलाई माया हुने कुरै भएन । आफ्नो मनपरी गरेर आज बिभाजनको स्थिति बनाए ।” उनले भने । ७० प्रतिसत बढी बहुमत आफूहरुसंग भएपनि ओलीले आफूलाई आधिकारिक भन्दै कार्यकर्तालाई दिउसै रात पार्न प्रयत्न गरिरहेका खनालले बताए ।

    आफूलाई पार्टीले काम गर्न नदिएको भन्ने प्रधानमन्त्री ओलीले भ्रम फैलाएको भन्दै पूर्वप्रधानमन्त्री खनालले तीन पटकको बजेट ल्याउदा ओलीले जनताको भागमा निरासा र यथास्थितिमात्र पारेको बताए । गैरराजनीतिक व्यक्ति रहेका युवराज खतिवडालाई पार्टीको इच्छा विपरित अर्थमन्त्री बनाइएको र बजेट एवं नीति तथा कार्यक्रम थाहाँ नै नदिई ल्याउदा रुपमा कम्युनिष्ट पार्टीको सरकार देखिएपनि सारमा केपी ओलीको खल्तीको सरकारमा परिणत भएको उनको भनाइ छ ।

    केपी ओलीसंग खुराफात बाहेक कुनै सकारात्मक भिजन नभएको भन्दै वरिष्ठ नेता खनालले आफू पार्टी अध्यक्ष हुँदा नवौं महाधिवेशनको प्रतिवेदनमा प्रस्तुत गरेको ‘ सुखी नेपाली र समृद्ध नेपाल’ को परिकल्पनालाई चोरेर हुबहु नारा दिएपनि काम गर्न नसकेको उनले आरोप लगाए । त्यतिमात्र होइन, नेता खनालले प्रधानमन्त्री ओली राष्ट्रबादी समेत नरहेको खुलासा गरे । ”उनी राष्ट्रबादी होइन, पार्टी कमिटीले कालापानी, लिपुलेक र लिम्पियाधुरा सहितको नयाँ नक्सा जारी गर्न धेरै पटक ताकेता गरेपछि नक्सा निस्कियो । पछि त्यो सबै आफैले गरे झैँ गरी राष्ट्रबादीको नाटकमा व्यस्त छन्, यहाँ सम्म आइपुग्दा जनताले धेरै कुरा बुझिसके ।” खनालले भने ।

    पार्टीको बैठक नबसाल्ने र बैठकबाट भाग्ने ओली अन्तत परिवर्तन बिरोधी कित्तामा उभिएका र उनले प्रतिनिधि सभा विघटनबाट देशलाई दुर्घटनाको दिशातर्फ लैजान खोजेका खनालको भनाइ छ । केही गुन्डा र आपराधिक मानसिकतासहितका मानिसहरूको ग्याङ बनाएर ओलीले पार्टी र संविधान  विरुद्ध धावा बोलेका उनको आरोप छ । वरिष्ठ नेता खनालले प्रतिनिधि सभाको पुनर्स्थापनाको लागि आन्दोलनको आधिबेहरी सिर्जना गरिने जानकारी गराउदै कार्यकर्तालाई त्यसको लागि तयार रहन निर्देशन समेत दिए । प्रधानमन्त्री ओली पूजीवादी दक्षिणपन्थी भासमा भासिएका भन्दै खनालले समाजबादको रणनीतिक लक्षका साथ् अब पार्टी तीब्र गतिमा अघि बढ्ने बताए ।

    उक्त अवसरमा नेकपा नेता हितमान शाक्यले प्रधानमन्त्री ओली प्रतिक्रान्तिको बाटोमा गैसकेकोले उनको प्रतिरोध गर्नु नै अहिलेको आवश्यकता भएको भनेका थिए भने पूर्वमहान्याधिवक्तासमेत रहेका नेता मुक्ति प्रधानले संसद विघटनको कदम पूर्णरुपले असंवैधानिक रहेको तथ्य प्रस्तुत गरेका थिए ।त्यसैगरी भक्तपुरका पार्टी सचिव डिपी ढकालले ओली पक्षले बिभिन्न प्रलोभन बाढिरहेको भएपनि अन्तिम भोजमा सामेल भएर कम्युनिष्ट आन्दोलनमा कलंकित नहुन आह्वान गरे । ओलीले बढ्ने पद र प्रलोभन कोपरामा पस्किएको चौरासी व्यंजन जस्तै भएको उनको भनाइ छ । कार्यक्रममा इन्चार्ज दिलिप प्रजापति भिष्मले भक्तपुरमा पार्टीको अवस्थाबारे अवगत गराउदै सत्ताले मैमत्त भएकाहरुलाई सडकबाट सबक सिकाइने उद्घोष गरे ।

    नेता रंजन केसीले संचालन गरेको कार्यक्रममा सांसदद्वय डा राजेन्द्रमान श्रेष्ठ र प्रतिमा श्रेष्ठ त्यसैगरी बागमती प्रदेश सचिवालय सदस्य देवेन्द्र श्रेष्ठ दिवाकर लगायतका नेताहरु उपस्थित थिए भने सयौंको संख्यामा अगुवा कार्यकर्ता सहभागी रहेका थिए ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...