News Portal

  • भक्तपुरका अग्रज पत्रकारद्वय राणा र श्रेष्ठ सम्मानित

    भक्तपुरपोस्ट संवाददाता भक्तपुर, १० माघ
    ११५२ पटक
    भक्तपुर, १० माघ

    भक्तपुरका दुई अग्रज क्रियाशील पत्रकार सम्मानित भएका छन् । नेपाल पत्रकार महासंघ जिल्ला शाखा भक्तपुरले आफ्नो २२ औं साधारण सभाको अवसर पारेर पत्रकारद्वय कविर राणा र रत्नकृष्ण श्रेष्ठलाई सम्मानित गरेको हो ।

    शनिवार सम्पन्न साधारणसभामा पत्रकार राणाले भगवान महर्जन स्मृति पत्रकारिता पुरस्कार र श्रेष्ठले मैंयादेवी स्मृति पत्रकारिता पुरस्कार प्राप्त गरेका हुन् । पत्रकार राणाले नगद १० हजार रुपैयाँसहित दोसल्ला र सम्मान पत्र प्राप्त गरेका छन् भने श्रेष्ठले नगद २ हजार ३ सय रुपैयाँसहित दोसल्ला र सम्मान पत्र प्राप्त गरेका छन् । राणा देशान्तर साप्ताहिकका प्रधान सम्पादक हुन् भने श्रेष्ठ राष्ट्रिय समाचार समितिसंग आवद्ध छन् ।

    पुरस्कार प्राप्त गरेपछि राससकर्मी अग्रज पत्रकार रत्नकृष्ण श्रेष्ठले प्राप्त नगद राशी भक्तपुर शाखाको भवन निर्माणका लागि हस्तान्तरण गरेका छन् । आफूले प्राप्त गरेको नगदमा ५ हजार रुपियाँ थप गरेर उनले भवन निर्माणमा खर्च गर्नेगरी हस्तान्तरण गरेका हुन् ।

    साधारण सभालाई सम्वोधन गर्दै प्रमुख अतिथि नेपाल पत्रकार महासंघका पूर्व अध्यक्षसमेत रहेका वरिष्ठ पत्रकार हरिहर विरही, उपाध्यक्ष दिलिप थापा मगर, महासचिव रमेश विष्ट, केन्द्रीय सदस्यद्वय गोविन्द चौलागांई र लक्ष्मण कार्की लगायतले ओली सरकारको पछिल्लो कदमले लोकतन्त्र, प्रेस तथा अभिव्यक्ति स्वतन्त्रता समेत खतरामा रहेकोले सचेत रहनुपर्ने आवश्यकता औल्याएका छन् । संविधानको खिलाफ भएको कदम र प्रेस तथा अभिव्यक्ति स्वतन्त्रतालाई कुन्ठित गर्ने सरकारको याे  दुस्प्रयास महासंघलाई मान्य नहुने उनीहरुको भनाइ छ ।

    कार्यक्रममा महासंघका उपत्यका प्रदेश महासचिव श्रृजन झा, ललितपुर अध्यक्ष ज्ञानप्रसाद पौडेल लगायतले भक्तपुर शाखासंगको सम्बन्ध आगामी दिनमा अझ प्रगाढ हुने बिश्वास व्यक्त गरे । शाखाका अध्यक्ष पुष्करराज बुढाथोकीको अध्यक्षतामा सम्पन्न कार्यक्रमको संचालन सचिव कृष्ण प्रसाद नेपालले गरेका थिए भने उक्त अवसरमा पूर्व अध्यक्षहरु, कार्यसमितिका पदाधिकारीहरु, साधारण सदस्यहरु एवं पुरस्कारका दाता एवं शुभचिन्तकहरुको उल्लेखनीय उपस्थिति रहेको थियो ।

    साधारण सभाको बन्दसत्रमा प्रस्तुत प्रतिवेदनहरु सर्वसम्मतिले पारित भएका कार्यसमिति सदस्य लिला श्रेष्ठले जनाएकी छन् ।

    प्रतिकृया दिनुहोस्

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...

    पाँचखालमा प्रदेश स्तरीय स्काउट क्याम्प हुने

    काभ्रेको पाँचखालमा प्रदेश स्तरीय वृहत स्काउट क्याम्प हुने भएको छ । नेपाल स्काउट पाँचखाल नगर...

    उपप्रधान तथा गृहमन्त्री लामिछानेको भक्तपुरमा १ रोपनी जग्गा

    सरकारका उपप्रधान तथा गृहमन्त्री रवि लामिछानेको भक्तपुरमा १ रोपनी १ आना पैतृक सम्पत्ति रहेको छ...

    कान्तिपुर मिडिया ग्रुपका अध्यक्ष कैलाश सिरोहिया पक्राउ

    कान्तिपुर मिडिया ग्रुपका अध्यक्ष कैलाश सिरोहिया पक्राउ परेका छन् । सिरोहियालाई नागरिकता कीर्ते आरोपमा प्रहरीले...

    भक्तपुरमाथि विभेद भएको छ : मेयर प्रजापति

    आदरणीय नगरबासी दाजुभाइ तथा दिदीबहिनीहरू, दोस्रो कार्यकालको निम्ति हामी निर्वाचित भएर बहाली भएको आज दुई...