भक्तपुरपोस्ट संवाददाता भक्तपुर, १९ माघ
भक्तपुर, १९ माघनेपाल प्रहरीले आफ्ना ४६ जना प्रहरी निरीक्षक(इन्स्पेक्टर)लाई प्रहरी नायब उपरीक्षक(डिएसपी)मा बढुवा सिफारिस गरेको छ । आइतवार बसेको बढुवा समितिको बैठकले बढुवा सिफारिस गरेको हो ।
बढुवा सिफारिसमा भक्तपुर प्रहरीका एक इन्स्पेक्टर पनि परेका छन् । महानगरीय प्रहरी परिसर, भक्तपुरमा कार्यरत इन्स्पेक्टर सुवास बुढाथोकी बढुवा सिफारिसमा परेका हुन् ।
बुढाथोकी सिन्धुपाल्चोकका बासिन्दा हुन् । चोरी अनुसन्धान शाखा महाराजगंजबाट उनी गत असोजमा सरुवा भै भक्तपुर आएका थिए । प्रहरी प्रधान कार्यालयले जनाए अनुसार उनी ९२.८३ प्राप्ताङ्क सहित ११ औं नम्बरमा बढुवाका लागि सिफारिस भएका छन् ।
डिएसपी बढुवाका लागि चिरन्जीवी दाहाल, रेशम बोहोरा र भोलाकुमार भट्ट समान अंक सहित पहिलो नम्बरमा बढुवा सिफारिसमा परेका छन् भने अन्तिम नम्बरमा इकवाल हवारी सिफारिसमा पर्न सफल भएका छन् ।