भक्तपुर, २० माघबलिउडका सुपरस्टार कलाकार जैकी श्राँफको भादगाउँले टोपी लगाएको फोटो सार्वजनिक भएको छ । उनको ६४ औं जन्मदिनको अवसरमा सोमबार उनकी पत्नीले यो फोटो सार्वजनिक गरेकी हुन् ।
उनकी पत्नी आयशाले आफ्नो अफिसियल इन्स्टाग्राममा शेयर गर्दै शुभकामना दिएको फोटोमा जैकी नेपालको झन्डा र खुकुरी अंकित भादगाउँले टोपी लगाएर हाँसिरहेका छन् । नेपालको झन्डा र खुकुरी अंकित भादगाउँले टोपी लगाएर हाँसिरहेको यहिँ फोटोमा बलिउडका ख्यातीप्राप्त कलाकार र राजनीतिकर्मीले उनलाई जन्मदिनको शुभकामना दिइरहेका छन् ।
उनले यो तस्बिर कहाँ खिचेका हुन् भन्नेबारे आयशाले केहि बताएकी छैनन् । उनले क्याप्सनमा ‘विश्वकै सर्वश्रेष्ठ पिता र विश्वकै सबैभन्दा दिलदार व्यक्तिलाई जन्मदिनको शुभकामना’ भनेर लेखेकी छन् ।
जैकी १ फ़रवरी १९५७ मा भारतको गुजरात राज्यमा एक बनियाँ परिवारमा जन्मिएका हुन् । उनकाे वास्तविक नाम जयकिशन कटुभाई श्रॉफ हाे । उनले बलिउडका सयौं सफल चलचित्रमा मूख्य भूमिकामा अभिनय गरेका छन् । उनका कराेडाैं फ्यान् छन् । भादगाउँले टोपीलाई महत्व दिएर यसको प्रचारप्रसारमा अप्रत्यक्ष सहयोग गरेकोमा श्राँफ परिवारप्रति हार्दिक आभार प्रकट गर्दै भक्तपुर पोस्ट बलिउडका सुपरस्टार श्राँफलाई जन्मदिनको हार्दिक शुभकामना व्यक्त गर्दछ ।