मौसममा बदली भइ भक्तपुरमा वर्षा भएको छ । असिना पानी सहितको वर्षापछि चिसो बढेको छ । शनिबार बिहानैदेखि घाम  देखिएको छैन ।                                                                 नगरकोटमा हिउँ समेत परेको स्थानीय ब्यवसायीले बताएका छन् । नगरकोटमा हिउँ परेपछि उपत्यकाबाट हिउँ हेर्न आउने युवायुवतीले चासो राख्दै सम्पर्क गरिरहेका उनीहरुको भनाइ छ ।                                                                                   शनिवार स्कुल समेत बिदा रहेकोले बालबालिकाले भने राहत पाएका छन् । उनीहरु घरमै न्यानो भएर बस्न पाएका हुन् ।         किसानहरु हल्का पानीले बाली लाई राम्रो गर्ने भन्दै दङ्ग देखिएका छन् । आजको मौसमले भक्तपुरको राजनीतिक शरगर्मी लाई समेत ठन्डा गरिदिएको छ । पानीले सडक चिप्लो बनाएपछि `छ लेन´ सडकमा दुर्घटना जोखिम भने बढेको ट्राफिक प्रहरीको भनाइ छ ।