भक्तपुर, १९ फागुन प्रचण्ड-माधव नेपाल नेतृत्वको नेपाल कम्युनिष्ट पार्टी (नेकपा) ले सत्तारुढ ओली समूहमा सक्रिय ७ जना नेतालाई कारबाही गरेको छ ।
नेताहरु महेश बस्नेत, शान्ता चौधरी, सूर्य थापा, प्रभु साह र कर्णबहादुर थापालाई पार्टीको केन्द्रीय सदस्य पदबाट मुक्त गरेको नेता भिम रावलले जानकारी दिएका छन ।
त्यस्तै बैठकले नेकपा संसदीय दलका उपनेता सुवास नेम्वाङलाई संसदीय दलको उपनेताबाट हट्न निर्देशन दिएको छ भने विशाल भट्टराईलाई संसदीय दलको नेताबाट निलम्बन गरेको छ ।
उनीहरुले पार्टी हित विपरीत गतिविधि गरेकाले पार्टी बिधान अनुरुप बहुमत केन्द्रीय सदस्यको निर्णयले यी ७ नेतालाई अनुशासनको कारबाही गरेको बताइएको छ । बैठकले यस अघि नै पार्टीले निष्कासन गरेका अध्यक्ष केपी ओली पक्षधर अन्य नेताहरुलाई भने पार्टीमा फर्कन आग्रह गरेको छ ।
राजनीति र संगठनमा नेकपा विभाजन बनेपनि बैधानिक हिसावले अहिले पनि निर्वाचन आयोगमा एउटै छ । संख्याका आधारमा पार्टीमा प्रचण्ड नेपाल समूह बलियो भएपछि केपी ओली बिच्किएका छन् भने उनलाई केहि नेताहरुले उक्साइरहेको आरोप लागेको छ ।