भक्तपुर, २९ फागुन २०७७नेपाल क्रान्तिकारी विद्यार्थी संघ तेस्रो काठमाडौं उपत्यका क्याम्पस सम्मेलन तयारी समितिको आयोजनामा उपत्यका स्तरीय विद्यार्थी भेला शनिबार भक्तपुर क्याम्पसमा सम्पन्न भएकाे छ ।
शनिवार सम्पन्न भएको उपत्यका स्तरीय विद्यार्थी भेलामा नेपाल मजदुर किसान पार्टीका वैकल्पीक केन्द्रीय सदस्य राजेन्द्र चवालले नेमकिपा संसदको चलखेलमा कहिल्यै नलागी देश र जनतालाई केन्द्रमा राखेर आफ्ना नीति तथा कार्यक्रमहरु अघि बढाउँदै आएको कुरा व्यक्त गरे । उनले नेपालका शासक दलहरुले शक्तिशाली राष्ट्रहरुको शक्तिको आडमा राज्यकाे पुनर्संरचना गरेको हुनाले नेपालको आन्तरिक राजनीतिमा अस्थिरता आएको विचार पनि व्यक्त गरे ।
कार्यक्रममा नेपाल क्रान्तिकारी विद्यार्थी संघका केन्द्रीय अध्यक्ष सबिन ख्याजुले क्याम्पस राजनितिमा नेक्राविसंघको भूमिका विषयमा बोल्दै नेक्राविसंघले विश्वविद्यालय तहसम्म शिक्षा निःशुल्क र अनिवार्य हुँनुपर्ने मुद्दा अघि सार्दैे आएको अवगत गराए । अध्यक्ष ख्याजुले गलत साहित्यले अवसरवादी जन्माउने हुँदा प्रशिक्षण तथा नियमित कक्षाहरुको आवश्यकतालाई जोड दिएका थिए ।
उक्त भेलाबाट तारा न्यौपानेको अध्यक्षतामा १४ सदस्यीय कार्य समिति गठन भएको बताइएकाे छ ।
