भक्तपुर, २९ फागुन २०७७भक्तपुर नगरपालिकाको आयोजनामा सञ्चालित अन्तर नगर बुद्धिचाल प्रतियोगिता एवं नगरस्तरीय खेलकुद प्रतियाेगिता उद्घाटन संगै शनिवार केहि खेलहरु शुरु भएका छन् ।
विद्यालयस्तरीय खेलकुद प्रतियोगिता अन्तर्गत १ नं. वडा समितिको आयोजनामा सहिद स्मृति खेल मैदानमा भलिबल प्रतियोगिता भएको छ ।
प्रतियोगिताको छात्रतर्फकाे राउण्ड रविन (लिग)को खेलमा क्रमशः पद्म माविले वागेश्वरी माविलार्ई २५–१३, २५–२० ले, ख्वप माविले बासु माविलाई २५–२१, २५–१४ले, पद्म माविले बासु माविलाई २५–१३, २५–१२ले, ख्वप माविले बागेश्वरी माविलाई २५–१९, २५–२० ले पराजित गरेको थियो भने छात्रा तर्पmको राउण्ड रविन (लिग) को खेलमा क्रमशः वागेश्वरी माविले हिमालयन ग्लोरी माविलाई २५–९, २५–१४ ले, पद्म माविले ख्वप माविलाई २५–१६, २५–१७ले, पदम माविले वागेश्वरी माविलाई २५–११, २५–११ ले, ख्वप माविले हिमालयन ग्लोरीलाई २५–९, २५–८ ले पराजित गरेको छ ।
भलिबल प्रतियोगितामा ४ वटा समूहको टोली मध्ये लिग चरणको बाँकी खेलहरु चैत्र १ गते विहान ८ बजेबाट छात्र तर्फ वागेश्वरी मावि र बासु मावि तथा पद्म मावि र ख्वप माविबीचको खेल हुनेछ भने छात्रा तर्फ हिमालयन ग्लोरी मावि र पद्म मावि तथा वागेश्वरी मावि र ख्वप माविबीचको खेल हुनेछ । भलिबल प्रतियोगिताको फाइनल चैत्र १ गते दिनको १ः०० बजे हुने आयोजक समितिले जनाएको छ ।
