२०७७ चैत्र १ गते, आईतबारविद्यालयस्तरीय खेलकुद प्रतियोगिता अन्तर्गत १ नं.वडा समितिको आयोजनामा सहिद स्मृति खेल मैदानमा भएको भलिबल प्रतियोगिता समापन भयो । भलिबल प्रतियोगिताको समापन कार्यक्रममा मेयर प्रजापतिले भक्तपुरलाई शिक्षा, स्वास्थ्य सँगसँगै खेलकुदको माध्यमबाट चिनाउन खेलाडीहरु अगाडि बढ्नुपर्ने भन्दै राष्ट्रिय अन्तर्राष्ट्रिय स्तरमा प्रतिष्पर्धा गर्नको लागि समेत तयार हुनुपर्ने बताए ।
भलिबल प्रतियोगिताको छात्रतर्फ श्री पद्म माविले प्रथम स्थान, वागीश्वरी माविले दोस्रो स्थान तथा ख्वप मा.वि.ले तृतीय स्थान हासिल गरेको थियो । त्यसैगरी छात्रातर्फको भलिबल प्रतियोगितामा उत्कृष्ट हुन सफल श्री पद्म मा.वि.ले प्रथम स्थान, ख्वप माविले दोस्रो स्थान र वागीश्वरी माविले तृतीय स्थान हासिल गर्न सफल भएको थियो ।
छात्रतर्फ उत्कृष्ट खेलाडीको उपाढी श्री पद्म माविका प्रदिप तोलाङ्ग घोषित भएको थियो भने छात्रातर्फ श्री पद्म माविकै स्मृति खड्काले सो उपाढी हासिल गरेको थियो ।
आज सम्पन्न प्रतियोगिताका सबै उत्कृष्ट विद्यालयहरु र उत्कृष्ट खेलाडीहरुलाई ट्रोफी वितरण चैत्र ३ गते हुने अन्तर नगर बुद्धिचाल प्रतियोगिता र नगरब्यापी विद्यालस्तरीय खेलकुद प्रतियोगिताको समापन समारोहमा ट्रोफी वितरण गरिनेछ ।