भक्तपुर, २ चैत्र २०७७भक्तपुर नगरपालिका वडा नं. ७ को आयोजनामा महेश्वरी खेलमैदानमा भएको नगरब्यापी विद्यालयस्तरीय एथ्लेटिक्स प्रतियोगिता सोमबार सम्पन्न भयो । एथ्लेटिक्स प्रतियोगिताको विभिन्न विधामा उत्कृष्ट खेलाडीहरुलाई पुरस्कार वितरण गर्दै नगर प्रमुख सुनिल प्रजापतिले खेलकुदलाई अनुशासनसँग तुलना गर्दै उहाँले खेलको माध्यमबाट आफुलाई परिचित बनाउन अझ बढी मिहेनत र लगनशीलताको खाँचो रहेको कुरा बताए । खेलाडीहरुलाई राष्ट्रिय र अन्तर्राष्ट्रिय स्तरको खेलहरुमा भाग लिई देशकै गौरब बढाउनुपर्ने कुरालाई मेयर प्रजापतिले जोड दिए ।
प्रतियोगितामा ६० मीटर दौड प्रतियोगिताको छात्रततर्फ रोहित तामाङ (गणेश मावि), अभ्यास बस्नेत (प्रभात ई स्कूल) र अनिल तामाङ (समाज सुधार मावि) क्रमशः प्रथम,द्वितीय र तृतीय भएका थिए भने छात्राततर्फ सोही विधामा श्रीतृ ग्वाछा (सूर्योदय मावि), सविना श्रेष्ठ (प्रभात ई. स्कूल) र निरुता तामाङ (प्रोक्सिमा इन्टरनेशनल) क्रमशः प्रथम, द्वितीय र तृतीय भए ।
त्यस्तै ,१५०० मीटर दौड प्रतियोगिताको छात्रतर्फ रोनिश लासिवा (प्रभात ई. स्कूल), मुन्ताज मोहम्मद (गणेश मावि) र कृजल फाँजु (जेसीस् ई. स्कूल) क्रमशः प्रथम,द्वितीय र तृतीय भएका थिए भने छात्रातर्फ सोही विधामा दिया दनुवार (वागीश्वरी मावि), मनिषा मानन्धर (वागीश्वरी मावि) र रिमा तामाङ (गणेश मावि) क्रमशः प्रथम, द्वितीय र तृतीय भए ।
३०० मीटर दौड प्रतियोगितामा भने विश्वराम कुँवर (गणेश मावि), लाल बहादुर थापा (वागीश्वरी मावि) र अजय क्षेत्री (बासु मावि) क्रमशः प्रथम,द्वितीय र तृतीय भएका थिए भने छात्राततर्फ सोही विधामा छात्रातर्फ स्वागता खाइजु (जेसीज् ई. स्कूल), स्वस्तिका कर्माचार्य (जेसीज् ई. स्कूल) र निशा ब्लोन (गणेश मावि) क्रमशः प्रथम, द्वितीय र तृतीय हुन सफल भए ।
