भक्तपुर, ३ चैतभक्तपुर नगरव्यापी विद्यालयस्तरीय कबड्डी प्रतियोगितामा मिनर्वा इङ्गलिश स्कुल र साईनिङ्ग इ. स्कुलले आफूलाई अब्बल सावित गरेका छन् ।
फागुन २९ गतेदेखि सञ्चालित विद्यालयस्तरीय खेलकुद प्रतियोगिता अन्तर्गत ४ नं. वडा समितिको आयोजनामा भएको कबड्डी प्रतियोगिताको पुरुषतर्फको फाइनल खेलमा मिनर्वा इङ्गलिश स्कूल र छात्रातर्फ साईनिङ्ग इ. स्कुलले जीत हासिल गरी आफूलाई अब्बल सावित गरेको हो ।
कबड्डी प्रतियोगिताको पुरुषतर्फको खेलमा मिनर्वा इङ्गलिश स्कूल प्रथम, जेन्यूइन सेकेन्डरी स्कूल दोस्रो, बागीश्वरी मावि र ख्वप्रिङ इङ्गलिस स्कूलले तेस्रो स्थान हासिल गरेका थिए भने कबड्डी छात्रातर्फ साईनिङ्ग इ. स्कूल प्रथम, पारागन एकेडेमी दोस्रो, बासु मावि र बागीश्वरी माविले तेस्रो स्थान ओगट्न सफल भएका छन् ।
उत्कृष्ट प्रथम, दोस्रो र तेस्रो हुन सफल विद्यालयका खेलाडीहरुलाई पदक तथा प्रमाणपत्र सहित मंगलबार एक कार्यक्रमकाबीच पुरस्कृतसमेत गरिएकाे छ ।