News Portal

  • भक्तपुर नगरव्यापी खेलकुद र अन्तर नगर बुद्धिचाल प्रतियोगिता सम्पन्न

    अनिल श्रेष्ठभक्तपुर, ३ चैत
    १५०१ पटक
    भक्तपुर, ३ चैत

    सहिद दिवसको अवसर पारेर भक्तपुर नगरपालिकाद्वारा आयाेजित अन्तर नगर बुद्धिचाल प्रतियोगिता र भक्तपुर नगरव्यापी विद्यालयस्तरीय खेलकुद प्रतियोगिता सम्पन्न भएकाे छ । फागुन २९ गतेदेखि शुरु प्रतियाेगिता मंगलबार सम्पन्न भएकाे हाे ।

    समापन कार्यक्रममा प्रमुख अतिथि रहेका नेपाल मजदुर किसान पार्टीका सचिव एवंं संघीय सांसद प्रेम सुवालले पुरस्कार जित्नको लागि मात्र प्रतियोगितामा भाग लिने भन्दा पनि विद्यार्थीहरुले शारीरिक र मानसिक विकासका निम्ति खेललाई निरन्तरता दिनुपर्नेमा जाेड दिए । विद्यार्थी जीवनबाट खेलाडी हुनेहरु अरुको तुलनामा अनुशासित र मर्यादित हुने भन्दै सांसद सुवालले सभ्य र सुसंस्कृत नयाँ पुस्ता निर्माणमा सबैले जोड दिनुपर्ने बताए ।

    खेलाडीहरुले देश विदेशको राजनीतिक अवस्थाबारे जानकारी लिनुपर्ने आवश्यकता बोध गराउँदै साँसद सुवालले खेलकुद क्षेत्रलाई अगाडि बढाउन मद्दत गर्नुपर्ने र समाजमा उदाहरणीय खेलाडीको रुपमा अघि बढ्न प्रेरित गरे ।

    कार्यक्रममा भक्तपुर नगरपालिकाका प्रमुख सुनिल प्रजापतिले प्रतियोगितामा सातवटै प्रदेशबाट खेलाडीहरुको सहभागिता रहेको जानकारी गराँउदै विद्यार्थीहरुलाई शिक्षा र खेलकुद क्षेत्रमा सँगसँगै अगाडि बढाउने नगरपालिकाको उद्देश्यबारे बताए ।
    चार दिने प्रतियोगिता सफल रुपमा सम्पन्न भएकोमा सहभागी सबैमा धन्यवाद ज्ञापन गर्दै मेयर प्रजापतिले नेपाल मजदुर किसान पार्टीको सिद्धान्त र उद्देश्य अनुरुप भक्तपुर नगरपालिका अगाडि बढिरहेको बताए।

    भक्तपुर जिल्लाका सहायक प्रमुख जिल्ला अधिकारी मुकेशकुमार केशरीले भक्तपुर नपा शिक्षामा अगाडि बढेको देशकै उत्कृष्ट नपामा दरिन सफल भएको बताउँदै खेलकुदले विद्यार्थी जीवनदेखि नै अनुशासन, सफलता  र असफलता, हार र जितको पाठ सिकाउँने हुँदा प्रतियाेगिताकाे प्रभावकारीताबारे प्रष्ट पारेका थिए ।

    हेटौडा उपमहानगरपालिकाका खेलाडी एवं वर्तमान बुद्धिचाल च्याम्पियन पुरुषोत्तम चौलागाईले कोभिडको जोखिमबीच पनि भक्तपुर नगरपालिकाले आवश्यक स्वास्थ्य सुरक्षा मापदण्ड अपनाई प्रतियोगिता सफलतापूर्वक सम्पन्न गरेकोका खुशी व्यक्त गरे ।

    कार्यक्रमका प्रमुख अतिथि प्रेम सुवालले प्रतियोगितामा प्रथम हुने हेटौडा उपमहानगरपालिकाको टीमलाई रु. १,५०,०००।–, दोस्रो हुने ललितपुर महानगरपालिकाको टीमलाई रु.१,००,०००।–, तेस्रो स्थान हासिल गर्ने काठमाण्डौ महानगरपालिकाको टीमलाई रु. ५०,०००।– नगद पुरस्कार, ट्रोफी, पदक तथा प्रमाणपत्र प्रदान गरेका थिए ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...