भक्तपुरको चाँगुनारायण नगरका दुई दर्जन युवा विभिन्न पार्टी परित्याग गर्दै नेकपा (माओवादी केन्द्र) मा प्रवेश गरेका छन् । हिजोका दिनमा परिवर्तनको नेतृत्व गरेको नेकपा (माओवादी केन्द्र) ले नै वर्तमान राजनीतिमा निकास दिने निस्कर्ष सहित उनीहरु माओवादी केन्द्र प्रवेश गरेका हुन् ।

नेकपा (माओवादी केन्द्र) को युवा संगठन योङ कम्युनिस्ट लिग (वाईसियल) नेपालको शनिबार आयोजित दोश्रो जिल्ला बैठकमा उनीहरु नेकपा एमाले, नेपाली काँग्रेस र राप्रपा लगायतका पार्टी परित्याग गर्दै नेकपा (माओवादी केन्द्र)मा प्रवेश गरेका वाइसियल भक्तपुरका संयोजक नरेश वाइवाले जानकारी गराएका छन् । चागुनारायणका वाइसीएल नेता विनोद लामिछाने र लक्ष्मण दुलाल लगायतको पहलमा ती युवाहरु पार्टी प्रवेश गरेका हुन् ।                                                           

कार्यक्रममा नवप्रवेेशी युवाहरूलाई नेकपा माओवादी केन्द्रका केन्द्रिय सदस्य एवं जिल्ला इन्चार्ज दिलिप प्रजापति भिष्म, बिशेष अतिथि डिपी ढकाल, वाइसिएल इन्चार्ज दिनेश थपलिया (आक्रोस) र संयोजक नरेश वाईबा लगायतले पार्टीमा स्वागत गरेको थिए । युवाहरुको काधमा परिवर्तनलाई सस्थागत गर्नुपर्ने जिम्मेवारी आएकोले यथास्थितिबादी र प्रतिगामी पार्टी परित्याग गर्दै क्रान्तिकारी पार्टी नेकपा (माओवादी केन्द्र)मा आएकोमा नवप्रेवेशी युवालाई बधाई र स्वागत गर्दै पार्टीले उनीहरुलाई उचित जिम्मेवारी दिने नेताहरुले प्रतिवद्धता समेत प्रकट गरे ।