भक्तपुरपोस्ट संवाददाताचाँगुनारायण, ११ चैत २०७७
चाँगुनारायण, ११ चैत २०७७भक्तपुरकाे चाँगुनारायण नगरपालिका वडा नं ९ ताथलीबाट ८ जुवाडे पक्राउ परेका छन् । ताथली बस्ने ४५ वर्षीय बिष्णु थापाको घरमा तास खेलिरहेको अवस्थामा सोही ठाउँ बस्ने ४६ वर्षीय राजन थापा क्षेत्री लगायत ८ जना पक्राउ परेका हुन् । उनीहरुलाई सोमबार राति प्रहरीले पक्राउ गरेको हो ।
महानगरीय प्रहरी वृत्त जगातीबाट खटिएको प्रहरीले उनीहरुलाई नगद १ लाख ६५ हजार १ सय ८० रुपैयाँ र ५ बुक तास सहित फेला पारी पक्राउ गरेको प्रहरीले जनाएकाे छ ।
पक्राउ परेका सबैलाई जगाती चाैकिमा राखेर अनुसन्धान भई रहेकाे प्रहरीले जानकारी दिएकाे छ ।