News Portal

  • सरकारी सहयोगविनै ताथलीमा बन्यो सामुदायिक भवन

    अनिल श्रेष्ठ / भक्तपुर पोस्ट चाँगुनारायण, ११ चैत २०७७
    ७४० पटक
    चाँगुनारायण, ११ चैत २०७७

    भक्तपुरको चाँगुनारायण नगरपालिका वडा नं. ९ ताथलीमा सरकारी सहयोग विना नै सामुदायिक भवन बनेको छ । ताथलीको माथिल्लो सौडोलमा करिब रु. ८ लाखको लागतमा सामुदायिक भवन बनेको हो । सो भवन माथिल्लो सौडोलस्थित माझीभैरब टोल विकास संस्थाको अगुवाइमा बनेको हो ।

    स्थानीयहरुको सक्रियतामा करिब २ सय जनाको क्षमतको उक्त भवन बनाएको संस्थाका अध्यक्ष हरिकृष्ण न्हेम्हाफुकीले जानकारी दिए ।

    सो भवनको मंगलबार एक कार्यक्रमबीच चाँगुनारायण नगरपालिका वडा नं. ९ का वडाध्यक्ष गणेश त्यातले गरेका थिए । सो ठाउँमा रहेको गुठीयारहरुले रकम संकलन गर्दै, जनश्रमदान गरी सो भवन बनाएका हुन् ।

    भवन उद्घाटन कार्यक्रममा सहभागी चाँगुनारायण नगरपालिकाका नगरप्रमुख सोमप्रसाद मिश्रले सामुहिक भावनाको विकासका लागि स्थानीय गुठियारहरुको पहल प्रशंसायोग्य भएको बताउँदै भवनलाई भोज खुवाउने ठाउँको रुपमा मात्र उपयोग नगरी बहुउद्देश्यीय भवनको रुपमा उपयोग गर्नुपर्ने बताए ।

    उनले सामुदायिक भवन भएकाले समुदायकै लागि उपयोग गर्नुपर्नेमा जोड दिँदै भवनलाई विपदको समयमा समेत उपयोग गर्न सुझाव दिए । भवनको सुधारका लागि भवनलाई मेयर मिश्रले नगरपालिकाबाट आवश्यक सहयोग समेत गरिने वचन व्यक्त गरे ।

    कार्यक्रममा चाँगुनारायण नपा वडा नं। ९ का वडाध्यक्ष त्यातले पछिल्लो समयमा सार्वजनिक जग्गा हडप्ने प्रवृत्ति बढिरहँदा माझी भैरब टोल विकास संस्थाले जग्गा संरक्षणका लागि उदाहरणीय काम गरेको समेत बताए । उनले समाजलाई समृद्ध र सम्मुन्नत बनाउनका लागि सामुहिक भावनाको विकास गर्नुपर्नेमा जोड दिए ।

    कार्यक्रममा प्रगति युवा समाजका उपाध्यक्ष एवं सञ्चारकर्मी हरिसुन्दर छुकांले गुठीसम्बन्धी क्रियाकलाप गर्नका लागि भवनले सहयोगी भूमिका खेल्ने जनाउँदै भवनले सामुहिक क्रियाकलाप गर्न उत्प्रेरणा जगाउने विश्वास व्यक्त गरे ।

    संस्थाका सल्लाहकार रवीन्द्र न्हेम्हाफुकीले भवन निर्माणको उद्देश्यबारे प्रकाश पारे ।

    प्रतिकृया दिनुहोस्

    देकोचामा बसको ठक्करबाट ज्यान गुमाएका मानिसको खुलेन पहिचान

    भक्तपुरको देकोचामा मंगलबार यात्रुबाहक बसको ठक्करबाट ज्यान गुमाएका मानिसको पहिचान हुन सकेको छैन । बुधबार...

    आशापुरीमा झ्याङ्छुप छ्योर्तेन स्तुपा र बुद्धपार्कको उद्घाटन

    भक्तपुरको सूर्यविनायक- ८ संगै जोडिएको काभ्रेको बनेपा-१४ आशापुरीमा श्री झ्याङ्छुप छ्योर्तेन स्तुपा र बुद्धपार्कको उद्घाटन...

    बिमान दुर्घटनामा सूर्यविनायक नगर अस्पतालका निर्देशक बर्माको भाइको निधन

    बुधवार बिहान त्रिभुवन बिमानस्थलमा भएको सौर्य एयरलाइन्सको जहाज दुर्घटनामा परी १८ जनाको ज्यान गएको छ...

    सौर्य एयरलाइन्स विमान दुर्घटना: १५ जनाको गयो ज्यान, ४ को जिवितै उद्धार

    सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ । उद्धार...

    बानियाँलाई परास्त गरेका बहादुरसिंह बने काँग्रेसबाट बागमतीमा पहिलो मुख्यमन्त्री

    बागमती प्रदेश सरकारको मुख्यमन्त्रीमा बहादुरसिंह लामा नियुक्त भएका छन् । मंगलबार प्रदेश प्रमुख यादव चन्द्र...