News Portal

  • भक्तपुरको सरसफाइमा बन्दुक र कलमको सहकार्य

    राजेशमान मानन्धर / भक्तपुर पोस्ट भक्तपुर, १४ चैत
    १११२ पटक
    भक्तपुर, १४ चैत

    नागरिक समाज र स्थानीय समुदायसंग समन्वय र सहकार्यमा जोड दिएको नेपाल प्रहरीले भक्तपुरमा पनि यसलाई महत्वका साथ् अघि बढाएको छ । भक्तपुरमा बिभिन्न रचनात्मक काम मार्फत प्रहरी समुदायसंग घुलमिल हुन खोजेको देखिन्छ ।

    यसैबीच शुक्रवार स्थानीय धार्मिक एवं पर्यटकीय स्थलको सरसफाई कार्य सम्पन्न भएको छ । प्रहरी र समुदायको सहभागितामा भक्तपुर १ स्थित च्वंगा गणेश मन्दिर परिसरको सरसफाई कार्य सम्पन्न भएको हो ।

    महानगरीय प्रहरी प्रभाग र सामुदायिक प्रहरी सेवा केन्द्र कटुन्जे त्यसैगरी समुदाय प्रहरी विद्यालय सम्पर्क समितिको आयोजनामा उक्त सरसफाई कार्य भएको बताइएको छ । सरसफाई कार्यक्रममा च्वंगा गणेश मन्दिर संरक्षण समिति, अक्सफोर्ड इंगलिस स्कूल र सूर्यविनायक इंगलिस स्कूलका शिक्षक एवं विद्यार्थीहरु र स्थानीय बासिन्दाहरुको सहभागिता रहेको असई यसोदा बस्नेतले बताइन । उनका अनुसार करिब ७० जनाको सहभागितामा सरसफाई कार्य सम्पन्न भएको हो ।

    उक्त अवसरमा महानगरीय प्रहरी वृत्त जगातीका प्रमुख रहेका डिएसपी राजेश थापा, प्रहरी प्रभाग कटुन्जेका सई रमेश राइ, भनपा-१ का जनप्रतिनिधि सूर्य प्रसाद श्रेष्ठ, समाजसेवी राम दुवाल, कृष्ण चगुठी लगायतको सहभागिता रहेको थियो ।

    कार्यक्रममा डिएसपी थापाले जनसहभागिताको लागि सबैलाई धन्यवाद दिंदै समुदायसंग हातेमालो गर्दै प्रहरीले सेवा गर्ने प्रतिवद्धता प्रकट गरे । समाजमा हुनसक्ने विब्भिन्न अपराधजन्य घटना न्युनिकरनका लागि प्रहरीलाई समुदायको साथ र सहयोग आवश्यक हुने उनको भनाइ छ । उक्त अवसरमा जनप्रतिनिधि सूर्य प्रसाद श्रेष्ठले प्रहरी जनताको समस्यामा साथी बनेर प्रस्तुत हुनुपर्नेमा जोड दिए । उक्त अव्सरामा पिकनिक स्पटको रुपमा समेत रहेको धार्मिक तथा पर्यटकीय उक्त क्षेत्रको सरसफाइमा योगदान गरेवापत च्वंगा गणेश मन्दिर संरक्षण समितिले खुशी व्यक्त गरेको थियो ।

    बन्दुक बोकेका प्रहरीसंग सरसफाइमा जुटेका विद्यार्थी भाइबहिनीहरु पनि दंग देखिए । प्रहरी देखेपछि डराउने आफ्ना एक विद्यार्थीले अब भने प्रहरी नै बन्ने लक्ष लिएको अक्सफोर्ड स्कूलका प्रिन्सिपल राम दुवाल बताउछन । सामाजिक हितका अलावा प्रहरीसंग आत्मियता र पेशाप्रति सम्मानका लागि समेत यस्ता कार्यक्रमले सहयोग गर्ने उनको भनाइ छ ।

    प्रतिकृया दिनुहोस्

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...

    जेठ २६ गते नगदेशमा दिनभर वः फेस्टिबल, ४ लाखले अवलोकन गर्ने

    मध्यपुर थिमि नगरपालिकामा फेरिपनि वः फेस्टिबल हुने भएको छ । अघिल्लो वर्ष दुईपोखरीमा गरिएको व:...

    मातृभाषा जोगाउने अभियानमा पनि पत्रकारिता जोडिनुपर्नेमा जोड

    उपप्रधान एवं परराष्ट्र मन्त्री नारायणकाजी श्रेष्ठ प्रकाशले मातृभाषाको संरक्षणका लागि पत्रकारिता जगत अघि बढ्नुपर्ने बताएका...