News Portal

  • भक्तपुरमा किसी सहित नेवाः पत्रकारहरु सम्मानित

    बाबुकाजी श्रेष्ठभक्तपुर, २१ चैत
    १०१५ पटक
    भक्तपुर, २१ चैत

    भक्तपुरमा नेवाः पत्रकारहरु सम्मानित भएका छन् ।  नेवाः पत्रकार राष्ट्रिय दबूले शुक्रबार उनीहरुलाई सम्मान गरेको हो ।

    भक्तपुरका अग्रज पत्रकार कृष्ण किसी सहित वरिष्ठ पत्रकार राजेन्द्र स्थापित र सक्रिय महिला फोटो पत्रकार रेखा शाक्य पुरस्कारसहित सम्मानित भएका छन् भने अन्य २ पत्रकारलाई विशेष सम्मान गरिएको छ । जनआस्थामा प्रवन्ध सम्पादक रहेका वरिष्ठ पत्रकार राजेन्द्र स्थापित ज्ञानज्योती लक्ष्मीप्रभा स्मृति पत्रकारिता पुरस्कार, ख्वप: कलेजमा पत्रकारिताका अध्यापक समेत रहेका नागरिककर्मी कृष्ण किसी ज्ञानदेवी मणिरत्न स्मृति पत्रकारिता पुरस्कार र सक्रिय महिला फोटो पत्रकार रेखा शाक्य बाबुराजा ज्यापु फोटो पत्रकारिता पुरस्कारबाट पुरस्कृत भएका हुन् । वरिष्ठ पत्रकार राजेन्द्र स्थापितलाई प्रदान गरिएको ज्ञानज्योति लक्ष्मीप्रभा पुरस्कारको राशी २० हजार राशी सहित सम्मान पत्र रहेको छ भने किसीलाई रु. १५ हजार राशीसहित ज्ञानदेवी मणिरत्न स्मृति पत्रकारिता पुरस्कार प्रदान गरिएको छ । त्यसैगरी फोटो पत्रकार शाक्यले रु. १० हजार राशी सहितको बाबुराजा ज्यापु फोटो पत्रकारिता पुरस्कार प्राप्त गरीकी दबूका भक्तपुर अध्यक्ष रामगोपाल तमखुले बताए ।

    नेवाः पत्रकार राष्ट्रिय दबूको भक्तपुरको नयाँ ठिमीमा भएको आठौ वार्षिक साधारणसभाको अवसरमा उनीहरुलाई वागमती प्रदेशका सांसद राजेश शाक्य र मध्यपुर थिमि नगरपालिकाका मेयर मदनसुन्दर श्रेष्ठले संयुक्त रुपमा नगदसहित शिल्ड तथा प्रमाणपत्र प्रदान गरी सम्मानित गरेका थिए । कार्यक्रममा एउटा सञ्चारगृहलाई पनि सम्मान गरिएको थियो । बौद्ध धर्म सम्बन्धी सामग्री प्रचार प्रसारमा योगदान दिएको भन्दै बोधि टेलिभिजनलाई भिक्षु कुमार कास्यप स्मृति पत्रकारिता पुरस्कार प्रदान गरिएको छ । उक्त पुरस्कारको राशी रु १२ हजार रहेको बताइएको छ ।

    कार्यक्रममा सगरमाथा आरोही कल्पना महर्जनलाई पनि विशेष पुरस्कारबाट पुरस्कृत गरिएको थियो भने भक्तपुरका पत्रकार ऋषिकेश श्रेष्ठलाई समेत न्युनत्तम पारिश्रमिक निर्धारण समितिको सदस्य नियुक्त भएकोमा बधाई तथा सम्मान गरिएको थियो ।

    उक्त अवसरमा सांसद राजेश शाक्य, मेयर मदनसुन्दर श्रेष्ठ लगायतले नेवा: भेषभाषा,कला सस्कृति र परम्परा लगायत मौलिकता संरक्षण र सम्वर्द्धनमा संचार क्षेत्रको ठूलो भूमिका हुने र त्यसका लागि नेवा पत्रकारले महत्वपूर्ण योगदान दिनुपर्नेमा जोड दिएका थिए । दबूको आफ्नै भवन निर्माण र अक्षय कोषमा आफूहरुले सक्दो सहयोग गर्ने उनीहरुले आस्वासन समेत दिए ।

    उक्त अवसरमा उपमेयर अन्जनादेवी मधिकर्मी, प्रेस काउन्सिल नेपालका कार्यवाहक अध्यक्ष गोपाल बुढाथोकी,नेपाल पत्रकार महासंघको प्रतिनिधि गोविन्द चौलागाईँ, लगायत पत्रकार संघसंगठनका अगुवाहरु, सामाजिक अभियन्ताहरु र दबूका प्रतिनिधिहरुको आतिथ्यता रहेको थियो । उनीहरुले पनि पत्रकारितामा नेवाः पत्रकारको महत्व र योगदानको चर्चा गरेका थिए ।

    नेवाः पत्रकार राष्ट्रिय दबूका अध्यक्ष सूरजवीर बज्राचार्यको अध्यक्षतामा संचालित उक्त कार्यक्रमको संचालन भने भक्तपुरका पत्रकार केके मानन्धरले गरेका थिए ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...