भक्तपुरपोस्ट संवाददाता भक्तपुर, २६ चैत
भक्तपुर, २६ चैतवागीश्वरी कलेजको अयोजनामा रक्तदान कार्यक्रम सम्पन्न भएको छ । बुधवार कलेज प्राङ्गणमा रक्तदान कार्यक्रम सम्पन्न भएको हो ।
विश्व स्वास्थ्य दिवसको अवसरमा स्नातक तह बीएसडब्लू (प्रथम वर्ष- २०७६) ब्याच र नेपाल रेडक्रस सोसाइटीको सहयोगमा रक्तदान कार्यक्रम गरिएको कलेजले जनाएको छ । कोभिड- १९ का कारण उत्पन्न रगतको अभावलाई थोरै भए पनि पूर्ति गर्नको निम्ति कार्यक्रमको आयोजना गरिएको बताइएको छ ।
उक्त कार्यक्रममा १२ जना शिक्षक र ४४ जना विद्यार्थीहरु गरी जम्मा ५८ जनाले रक्तदान गरेका थिए । रक्तदाताहरुलाई वागीश्वरी कलेजका प्राचार्य धनकुमार श्रेष्ठ तथा कलेजका संयोजक ज्ञानसागर प्रजापतिले प्रमाणपत्र प्रदान गरि सम्मान गरेका थिए ।