गएराती मध्यपुर थिमि ४ एसएस चोकस्थित छ लेन सडकमा दुर्घटनाग्रस्त मोटरसाइकलको पछाडी सवार युवकको मृत्यु भएको छ भने चालकको उपचार भैरहेको छ ।

भक्तपुरबाट काठमाडौं तर्फ जाँदै गरेको बा ५३ प ६९३८ नं को मोटरसाईकल आफै अनियन्त्रित भई सडकको बाँया तर्फको रेलिङमा ठक्कर खाई दुर्घटना भएको अवस्थामा राती करिब पौने ११:४० बजे प्रहरी पुगी उद्धार गरेको थियो । महानगरीय प्रहरी वृत्त ठिमी भक्तपुरबाट प्र.नि. ईन्द्रमणी अधिकारीको कमाण्डमा खटिएका प्रहरीले गम्भीर घाइते भएका चालक र पछाडी सवार व्यक्तिलाई मध्यपुर अस्पताल ठिमी पुर्याएका थिए ।

पछाडी सवार काभ्रेपलाञ्चोक धुलिखेल न.पा. १० बस्ने बर्ष ३२ को महेश शाहको राति करिब ११:५० बजेको समयमा नै सम्बन्धित चिकित्सकले मृत घोषित गरेको डिएसपी दिपक गिरीले जानकारी दिए ।चालक सोही ठेगानाका २२ वर्षीय महेन्द्र शाहको मध्यपुर अस्पताल ठिमीमा उपचार भईरहेको बताइएको छ ।

मदाक पदार्थ सेवन गरी तीब्र गतिमा लापरवाही तरिकाले सवारी चलाउदा दुर्घटना भएको प्रारम्भिक अनुसन्धानबाट खुल्न आएको प्रहरीको भनाइ छ । घटना सम्बन्धमा थप अनुसन्धान भईरहेको महानगरीय प्रहरी परिसर भक्तपुरले जनाएको छ ।