भक्तपुर, २३ बैशाख २०७८भक्तपुर नगरपालिकाले होम आइसोलेसनमा रहेका कोरोना भाइरस संक्रमितलाई अस्पताल लानल्याउन र उनीहरुको फोहोर संकलनमा छुट्टै व्यवस्था गरेको छ ।
होम आइसोलेसनमा रहेकालाई अस्पताल लानल्याउन छुट्टै एम्बुलेन्सको व्यवस्था गरिएको र उनीहरुको फोहोर संकलनमा छुट्टै गाडीको व्यवस्था मिलाइएको वडा नम्बर ९ का वडाध्यक्ष रवीन्द्र ज्याख्वले जानकारी दिए । संक्रमितहरुले थाहा नदिई ट्याक्सी प्रायोग गर्दा र जथाभावी फोहोर फ्याक्दा समुदायमा संक्रमण फैलने तर्फ सचेत बन्न समेत उनले आग्रह गरेका छन् ।
वडाध्यक्ष ज्याख्वका अनुसार संक्रमित ओसार्न मोबाइल नम्बर ९८५१३२०३२१ मा फोन गरी एम्बुलेन्स सेवा लिन सकिन्छ भने संक्रमितको फोहोर उठाउन भक्तपुर नगरपालिकाको ६६१०३३० नम्बरमा टेलिफोन गरी सेवा प्राप्त गर्न सकिन्छ । उनले नगरवासीको सेवाको लागि जनप्रतिनिधिहरुको टेलिफोन सदैव खुला रहेको समेत जनाएका छन् ।