गएराती टिपरको ठक्करबाट घाइते भएका जगातीका राजाराम सुवालको ज्यान गएको छ । अन्दाजी १०:२५ बजेको समयमा सूर्यबिनायक स्थित अरनिको राजमार्गमा सुवालले चलाएको स्कुटीलाई टिपरले ठक्कर दिएको थियो ।

सूर्यविनायकतर्फ आउदै गरेको लु २ ख ४५८८ नं. को टिपरले बिपरित दिशातर्फ जादै गरेको बाग्मती प्रदेश ०२-०२४ प १६८४ नं. को स्कुटीलाई ठक्कर दिदा स्कुटी चालक भक्तपुरको सूर्यविनायक नगरपालिका वडा नं. ८ जगाती बस्ने बर्ष ४० को राजाराम सुवालको ज्यान गएको प्रहरीले पुष्टि गरेको हो । गम्भीर घाईते भएका सुवाललाई उपचारका लागी डा. ईवामुरा अस्पताल सल्लाघारी लगिएकोमा प्राथमिक उपचार पश्चात थप उपचारका लागी राती नै अन्नपुर्ण न्युरो अस्पताल माईतीघर रिफर गरिएको थियो ।

उपचारकै क्रममा आज सोमबार दिउसो अन्दाजी १:१० बजेको समयमा सम्बन्धित चिकित्सकले उनलाई मृत घोषणा गरेका डिएसपी दिपक गिरीले जनाएका छन् । टिपर र चालक लमजुङ बेशीशहर गाँउपालिका वडा नं. ११ घर भई हाल साँगा बस्ने बर्ष ३५ को टार्जुन गुरुङ लाई नियन्त्रणमा लिई महानगरीय प्रहरी वृत्त जगातीले थप अनुसन्धान गरिरहेको बताइएको छ ।